#Lajme, #edicioniinformativ ora 15:30 data 8 Korrik 2023 #TvKlan #KlanLajme

Spiker: Anjola Hamzaj

Headline 8 korrik 2023

Dorëzon mandatin deputeti i Krujës Rrahman Rraja: Ndihem i turpëruar

Dorëzon mandatin deputeti i Partisë Socialiste Rrahman Rraja, familjarë të të cilit u përfshinë në një akt dhune ndaj 2 personave në Borizanë të Krujës. Ai thotë se ndihet i turpëruar që ka dështuar si prind dhe i bën thirrje të birit të dorëzohet.  

Shkrihet komisariati i Krujës pas dhunës barbare, 8 të arrestuar dhe 6 në kërkim

Shkon në 8 numri i të arrestuarve të identifikuar si autorë të dhunës ndaj 2 personave në Borizanë të Krujës ndërsa 6 të tjerë janë shpallur në kërkim. Shkrihet i gjithë zinxhiri i drejtuesve dhe zbatuesve ne Komisariatin e policisë së këtij qyteti.

Po vjen i nxehti Afrikan! Termometri shkon mbi 38 gradë javën e ardhshme

Java e ardhshme sjell në vendin tonë të nxehtin afrikan. Sinoptikanët parashikojnë që temperaturat do të arrijnë mbi 38 gradë celsius duke kapërcyer vlerat normale të muajit. Lajm i mirë për pushuesit që nuk do kenë reshje në zonat bregdetare.

Escobar: Vuçiç, gati të pranojë planin me 3 pika. Shpresojmë të reagojë edhe Kurti

Gabriel Eskobar thonë se presidenti serb Aleksandër Vuçiç është gati të pranojë planin me 3 pika të BE-së për shtensionimin e marrëdhënieve me Kosovën. Ai tha se shpresonte që të njëjtën gjë do të bëjë edhe Albin Kurti.

SHBA do t’i japë Ukrainës bomba thërrmuese. OKB dhe 100 shtete kanë ndaluar përdorimin e tyre

Ukraina do të furnizohet së shpejti me bomba thërrmuese nga Shtetet e Bashkuara të Amerikës edhe pse përdorimi i tyre është i ndaluar nga Organizata e Kombeve të Bashkuara dhe 100 shtete të tjera të botës.

Ndryshon skema e Superligës shqiptare. 4 skuadrat më të mira do luajnë për titullin

Skema e Superligës për sezonin e ardhshëm pritet të ndryshojë. Sipas propozimit të diskutuar me presidentët e klubeve, 4 skuadrat më të mira të kampionatit do të luajnë me njëra – tjetrën për të përcaktuar skuadrën kampione./tvklan.al