#lajme , #edicioniinformativ ora 19:30 data 28 Tetor 2023 #TvKlan #KlanLajme

Spiker: Redi Prifti

Headlines 28 Tetor 2023

Gjykata lë në fuqi masën për ish-drejtoreshën e kadastres së Durrësit. Ndihmoi trafikantët të pastrojnë paratë

Ish-drejtoresha e Kadastrës së Durrësit, Rajmonda Dashi do të qëndrojë në arrest shtëpie, ndërsa biznesmeni Ardian Malasi në burg. Ata akuzohen se kanë ndihmuar vëllezërit Ramaj që te pastronin paratë në prona të paluajtshme.

Llogaritë bankare të Ahmetajt mbetën në sekuestro. GJKKO rrëzon kërkesën e ish-ministrit

Llogaritë bankare të ish-zëvendëskryeministrit Arben Ahmetaj do të qendrojnë të bllokuara. Gjykata e Posaçme e Apelit hodhi poshtë kërkesën e tij duke lënë në fuqi vendimin e mëparshëm për sekuestrimin e tyre.

Pastrimi i parave, raporti i FATF: Shqipëria rriti ndjekjet penale dhe krijoi mekanizma të duhur

Zbardhet raporti i Task Forcës mbi bazën e të cilit u morr vendimi për ta nxjerrë Shqipërinë nga lista gri e pastrimit të parave. Raporti thekson se vendi ynë ka bërë përparim në ndjekjet penale dhe formalizimin e ekonomisë.

Krichbaum: Imuniteti nuk është privilegj. Berisha paralajmeron padi: Mashtroi shqiptarët

Deputeti gjerman Krishbaum i cilëson të dënueshme deklaratat e ish-kryeministrit Berisha ndaj SPAK dhe thotë se askush nuk mund të fshihet pas imunitetit. Reagon kreu i demokratëve që paralajmëron padi në gjykatë ndaj tij.

Izraeli hyn në veriun e Gazës.OKB miraton rezoluten për armëpushimin,Shqiperia abstenon, Izraeli dhe SHBA votojnë kundër

Izraeli njoftoi se trupa ushtarake tokësore hynë në veriun e Gazes. Operacionet nuk do te ndalen deri ne nje urdhër te dyte. Asambleja e OKB-se miratoi rezolutën ku kërkon armëpushim të menjëhershëm të luftës. Shqipëria abstenoi, ndërsa Izraeli dhe Shtetet e Bashkuara votuan kundër.

Nesër ndryshon ora, akrepat kthehen 60 minuta pas. 1 orë më shumë gjumë në mëngjes.

Duke nisur nga ora 03 e mëngjesit të së dielës akrepat e orës do të kthehen 60 minuta pas. Kjo do të bëjë të mundur që të flemë një orë më shumë në mëngjes, por në mbrëmje do të erret më shpejt.

/tvklan.al