Të shtëna me armë zjarri janë regjistruar mbrëmjen e sotme në fshatin Linaj, njësia administrative Gruemirë, në Bashkinë e Malësisë së Madhe.

Korrespondentja e Klan News, Emi Kalaja raporton se sipas informacioneve dyshohet se ka patur shkëmbim zjarri mes dy personave.

Policia në një njoftim zyrtar bën të ditur se janë gjetur e sekuestruar në cilësinë e provës materiale 4 gëzhoja, teksa nga verifikimet paraprake nuk ka persona të dëmtuar e as dëme materiale.

Grupi hetimor në drejtimin e Prokurorisë, po punon për zbardhjen e rrethanave dhe dokumentimin ligjor të rastit.

Njoftimi i Policisë:

Malësi e Madhe/Informacion paraprak

Rreth orës 20:00, në Sallën operative të Komisariatit të Policisë Malësi e Madhe ka ardhur një telefonatë se në fshatin Gruemirë, është qëlluar me armë zjarri.

Me marrjen e njoftimit, shërbimet e Policisë kanë shkuar menjëherë në drejtim të adresës së dhënë.

Nga veprimet paraprake të kryera nga grupi hetimor, në rrugën e fshatit Gruemirë janë gjetur e sekuestruar në cilësinë e provës materiale 4 gëzhoja.

Po nga verifikimet paraprake nuk ka persona të dëmtuar e as dëme materiale.

Grupi hetimor në drejtimin e Prokurorisë, po punon për zbardhjen e rrethanave dhe dokumentimin ligjor të rastit.

/tvklan.al