Sulmuesi i Milanit, Alvaro Morata, ka folur me fjalë të mëdha për Rafael Leao, i cili po kalon një moment të vështirë.

Sipas tij, portugezi është lojtari më i mirë te kuqezinjtë, ndërsa deklaroi se është i bindur që do të rikthehet në formë.

I pyetur për ndeshjen Real-Milan, Morata u shpreh se pret ta shajnë në Madrid, për shkak të së kaluarës.

“Leao ka talent. Është lojtari më i mirë në ekip. Duhet të vazhdojë të bëjë atë që po bën në stërvitje. Është në një moment të vështirë, ndodh shpesh me ne sulmuesit. Një gol në ndeshje të rëndësishme, do të mjaftonte që ai të rigjejë besimin. Ne kemi nevojë për Leao-n.

Rikthimi në ‘Bernabeu’? Gjërat kanë ndryshuar shumë nga koha kur unë jam larguar. Jam i vetëdijshëm dhe pres të më shajnë. Është normale”, deklaroi Morata.

Ndeshja Real Madrid-Milan, do të luhet të martën, duke nisur nga ora 21:00. /tvklan.al