Juventusi do të luajë një përballje delikate këtë të Mërkurë në Champions League, aty ku përballen me Manchester City-n.

Në prag të kësaj përballje, në konferencë ka folur trajneri i bardhezinjve, Thiago Motta.

Tekniku italian vlerësoi kundërshtarin, ndërsa kërkoi përqendrim maksimal nga ekipi i tij në këtë përballje.

“Do të përballemi me një ekip që ka karakteristika të veçanta. Në duhet të jemi gati kur mbrohemi nga sulmet e tyre dhe të tregojmë cilësitë kur të jemi në zotërim të topit. Do të përballemi me një ekip që pëlqen të sulmojë, por të cilit mund t’i krijojmë vështirësi kur kemi topin. Duhet të kemi përqendrim maksimal në atë që duhet të bëjmë. Ende mund të përmirësohemi. Jemi një ekip i ri dhe mund të përmirësohemi në të gjitha aspektet. Në momente të veçanta kemi treguar karakter dhe personalitet të madh.

City-n nuk mund ta gjykojmë për momentin që po kalon. Duhet t’i admirojmë për atë që kanë bërë në vitet e fundit. Kanë treguar vlerë të madhe, duke fituar trofe të rëndësishëm. Guardiola është një trajner i fortë dhe këtë e konfirmojnë faktet. Ai ka fituar çdo trofe të mundshëm dhe ka pasur vazhdimësi, diçka që është e vështirë për tu arritur”, deklaroi Motta.

Ndeshja Juventus-Manceshter City do të luhet ditën e mërkurë, duke nisur nga ora 21:00. /tvklan.al