Rikthimi i Neymar në Santos pa një tjetër episod zhgënjyes, këtë herë gjatë ndeshjes klasike kundër Corinthians. Ekipi i Neymar humbi 2-1.
Lojtari tregoi shenja se së shpejti mund të gjejë formën e tij të mirë duke realizuar pasime në metrat e fundit, por nga ana tjetër humbi një mundësi të pastër për të shënuar dhe u zëvendësua në minutën e 67.
Nga ana tjetër për ekipin e Corinthians, Memphis Depay shkëlqeu me një asist të shkëlqyer dhe vazhdoi ecurinë e tij të mirë.
Deri tani me Neymar, Santos ka luajtur tre ndeshje dhe rezultati është dy barazime dhe një humbje me vetëm dy gola të shënuar. Një rekord i dobët për një ekip që do të vendosë në tre ndeshjet e ardhshme nëse do të luftojë për titull.
Neymar ishte më i saktë në pasimet këtë herë, duke u shfaqur gjithmonë në korsinë qendrore dhe duke gjetur shokët e skuadrës në pozicione të favorshme për të përmirësuar sulmin. Megjithatë, ai humbi një goditje të pastër para portierit.
Skuadra kundërshtare sigurisht që ia ka frikën Neymar, pasi lojtarët e Corinthians shkaktuan disa ndërhyrje ndaj sulmuesit.
Neymar duhet të gjejë formën e mirë shpejt dhe t’i shërbejë skuadrës në suksese pasi me kalimin e javëve, skuadra e tij do të dalë nga gara për titullin kampion në Brazil.
Tv Klan
