Edhe pse në parim ishin të dyja dakord për zhvillimin e një mocioni me debat për raportin e OLAF, Zyra e Bashkimit Evropian kundër Mashtrimeve e cila ka hetuar për abuzim me fondet IPARD, që ishin vendosur për mbështetjen e fermerëve shqiptarë, shumica e rrëzoi në Konferencë Kryetarësh kërkesën e opozitës.

Socialistët argumentuan se mocioni mund të shtyhej për në Shtator kur të jenë njohur zyrtarisht me gjetjen e hetimit.

Por për demokratët kjo është shkelje e rregullores së Kuvendit.

“Në një akt të pa precedentë kolegët e mazhorancës nuk janë dakord të analizojnë raportin që 120 milionë Euro të zhbllokohen në një kohë sa më të shpejtë”.

Sipas OLAF, 33 milionë Euro nga fondet e Bashkimit Europian për bujqësinë shqiptare janë keqpërdorur.

Kjo zyrë ka rekomanduar bllokimin e paketës së radhës 112 milionë Euro për sa kohë nuk ka janë marrë masa për të garantuar mbrojtjen e interesave financiare të BE.

Tv Klan