Përplasje mes anëtarëve të mazhorancës dhe opozitës që në mbledhjen e parë

Kuvendi nisi këtë të hënë punën hetimore për Koncesionet në Shëndetësi, në bazë të kërkesës së PD.

Me në krye Albana Vokshin, komisioni hetimor përcaktoi fokusin e hetimit parlamentar, që do të jetë për dy cështje që po hetohen edhe në SPAK, sterilizimi dhe check up-i.

Ndonëse një komision që erdhi si produkt paqeje mes palëve, mbledhja e parë nisi me debate.

PD akuzoi nënkryetarin e socialistëve Plarent Ndreca se në shqyrtimin e çështjeve, ka konflikt interesi.

Kjo akuzë, ashpërsoi debatin në komision. Kryetarja Albana Vokshi, bëri publike edhe listën e dëshmitarëve që priten të thirren në komision.

Një listë me 16 anëtarë, duke nisur nga kryeministri Rama, ish-ministri i Shëndetësisë Ilir Beqaj i cili është dhe në hetim nga SPAK, ish-ministra të tjerë të Shëndetësisë, dy ish-ministra të Financave si dhe drejtuesit e qendrave spitalore që kanë qenë në detyrë që nga nisja e zbatimit të dy koncesioneve.

Mbledhja e radhës do të jetë në datë 27.

Klan News