Rekordet e Cristiano Ronaldos nuk kanë të bëjnë vetëm me ato të shënimit të golave. Portugezi ishte protagonist negativ në eliminimin e Al Nassr nga Kupa e Arabisë Saudite.

Ronaldo kishte në këmbët e tij shansin për ta dërguar sfidën drejt shtesave, por humbi penalltinë e parë me fanellën e Al Nassr, në humbjen 1-0 ndaj Al Taawon. Kjo ishte humbja e parë e 11-metërshit, ndërsa deri më tani ka shënuar 19 herë.

Duke përjashtuar dështimin në “ruletën e penalltive”, Ronaldo ka shënuar 168 herë dhe humbur 31, për të gëzuar një përqindje konvertimi prej 85%. Shifër e kënaqshme në aspektin e përgjithshëm për 39-vjeçarin.

Kundrejt Lionel Messit, rivalit të tij më të madh në karrierë, Ronaldo ka epërsi. Argjentinasi ka ekzekutuar 109 penallti, dukshëm më pak se Ronaldo, teksa ka humbur njëjtë sa portugezi, 31 për mesatare saktësie prej 78%. Ronaldo ka shënuar 20 nga 28, ose 71.4% për Portugalinë.

Klan News