Driada Dervishi – Regjisore
Suela Bako – Aktore

Shfaqja “Revizori”, pas suksesit që pati në Teatrin e Durrësit, mbrëmjen e sotme do të ngjitet në skenën e Ar Turbinës. Bëhet fjalë për një nga veprat më të mëdha të shkrimtarit rus, Nikolaj Gogol, e vënë në Teatrin “Aleksandër Moisiu” në vitin 1972.

Ajo rikthehet pas 48 vitesh, nën regjinë e Driada Dervishit, si një komedi sarkastike, plot situata sa të pamundura aq edhe me humor. Për të diskutuar për të pasditen e sotme, të ftuar në programin “Rudina” në Tv Klan ishin regjisorja Driada Dervishi dhe aktorja Suela Bako.

“Ka shumë ndryshime për hir të së vërtetës, ndryshime që kanë hasur dhe shumë debate. Ka qenë një proces disi i vështirë dhe i lodhshëm për hir të së vërtetës, sepse unë doja të bëja një risjellje të Shqipërisë po themi, se ashtu si ai luan shumë bukur me alegorinë. Që në momentin që e shkruan, ai në fakt flet për gjithë Rusinë vetë Gogoli, por ndërkohë e vendos në një fshat qytezë të humbur fare. Kjo ishte një gjë, le të themi ngacmimet e para, pse e doja pikërisht këtë vepër. Ajo ka shumë variante, se vetë Gogoli ka bërë dy-tre rishikime të saj dhe unë u përpoqa të merrja 3 variantet më të bukura, një anglez, një amerikan dhe atë të Gogolit, për të sjellë variantin shqiptar“, tha regjisorja Dervishi.

Suela Bako vjen në rolin e një zëdhënëse për shtyp që dëshiron të bëhet kryetare.

“Është shumë aktuale në çdo kohë, por gjithsesi lëvizin gjërat. Është një vepër e shkruar më shumë se 100 vjet më parë. Dhe nuk lëviz fenomeni, por lëvizin shoqëritë të cilave u adresohet, apo statuset e qeverive, bashkive apo komunave. Sepse vepra është vënë në kushtet relativisht të një diktature, të Carit të madh. Kjo provinca e vogël ishte në fat Rusia e Madhe. Kështu që të tjerët më vonë e kanë marrë këtë përshtatje dhe e kanë konceptuar se i drejtohet një vendi të tërë, jo më një province të vogël“, shprehet Bako./tvklan.al

Genti Stroni – Mjek infeksionist QSUT

Meri Shehu – Astrologe

Meri Shehu në fund të muajit Dhjetor ka bërë parashikimin e yjeve, për të gjithë vitin 2020. Por si pritet të jetë parashikimi i yjeve për shenjat për muajin Janar? Çfarë pritet të ndodhë këtë muaj? Si është i vendosur pozicioni i planeteve, cilat janë shenjat më shumë të favorizuara? Po ato më pak? E ftuar pasditen e sotme në programin “Rudina”, në Televizionin Klan, Meri Shehu ka folur për parashikimin e yjeve për muajin Janar. 

“Është i këndshëm dhe ka ndryshime të mëdha planetare. Do të shohim ngjarje të mëdha politike, jo vetëm në vendin tonë, por gjithandej, sepse planetët kështu janë rreshtuar. Eklipsi është në shenjën e Gaforres dhe do ndodhi ndryshim i madh nën këtë efekt. Datës 13 dhe ditëve përreth duhet t’i kushtoni vëmendje të madhe, se do të ndodhin ngjarje të rëndësishme politike në botë, do të ndodhin probleme të mëdha me njerëzit me pushtet, por edhe vendimmarrje shumë të rëndësishme. Plus edhe eklipsi i madh hënor që është ditën e nesërme në datën 10”.

Renditja e shenjave të horoskopit nga ajo më pak fat, tek me e favorizuara:

12. Peshqit-Fundi i muajit do të jetë pak me kontradita në jetën personale ose me çështjet e ekonomisë, që do të jenë të paqarta. Do të luftojnë shumë për të mbajtur një pozicion pune, një pozicion në jetën e tyre personale. Do u rrezikohet puna, jeta personale dhe duhet të kenë kujdes mos përballen me njerëz që kanë pushtet.

11. Binjakët-Kanë një muaj shumë konfliktual, me përballje, antagonizma, provokime të ndryshme dhe duhet të jenë të qetë për të ecur përpara. Duhet të kenë kujdes në marrëdhënie me të tjerët, mënyrën si bashkëpunojnë. Do jenë nën presionin dhe antagonizimin e të tjerëve. Kujdes dhe në marrëdhëniet në çift.

10. Gaforrja-Duhet të kenë vëmendje të madhe në ndryshimet që do të ndodhin në jetën e tyre. Nëse kanë pushtet janë në një moment delikat. Kanë kontradita në marrëdhëniet familjare, në lidhje me punën, por edhe në lidhje me të tjerët. Duhet të jenë më të vëmendshëm dhe më të qetë në marrjen e vendimeve në këtë periudhë.

9. Luani-Do të jenë shumë të ndjeshëm në lidhje me shëndetin, ose me prapaskenat që do t’ju bëhen këtë periudhë. Do të jenë në një pozicion pritës ose pozicion mbyllës. Nuk duhet të harxhojnë më shumë energji sesa duhet. Në dashuri mund të shkëlqejnë, duke u futur në një njohje të re.

8. Shigjetari-Do të jetë një muaj energjik. Pas datës 27, e gjithë veprimtaria e mirë që mund të bëjnë gjatë muajit Janar mund t’ju hidhet poshtë, ose do dalë ndonjë gënjeshtër në çështjet personale dhe ekonomike. Nesër duhet të kenë kujdes me raportet ekonomike dhe detyrimet. Tregohuni të vëmendshëm në investimet që do bëni.

7. Bricjapi-Kini kujdes në marrëdhëniet në çift dhe në bashkëpunimet e rëndësishme. Ndodh një ngjarje e rëndësishme që do ju trondisë jetën në periudhën e Janarit. Nëse merreni me politikë do të keni probleme dhe nëse keni pushtet duhet të keni kujdes me vendimmarrjet tuaja.

6. Virgjëresha-Me eklipsin do t’i keni punët mirë dhe do të merrni lajme të mira, do të ndiheni mirë. Duhet të jeni më të vëmendshëm me njerëzit që doni, në marrëdhëniet në çift dhe çështjet ekonomike. Fundi i muajit do të jetë disi kontraditor.

5. Demi-Me lajmet që do të merrni do të forconi pozitën tuaj dhe do të jepni një po ose jo në marrëdhëniet e komplikuara që keni pasur. Është një muaj relativisht i mirë, por do të keni disi probleme ekonomike me shpenzimet dhe detyrimet që keni ndaj të tjerëve.

4. Dashi-Çdo gjë mund të ndodhë, mund të prishet, ose të formatohet nga e para. Kujdes duhet të tregojnë dashët që kanë pushtet të madh ekonomik dhe politik. Sepse janë ditë kyçe të vështira. Megjithatë do të keni një muaj romantik. Pas datës 18 hapen mundësitë për takime të fshehta, por duhet të keni kujdes nga skandalet.

 3. Akrepi-Do të keni udhëtime, kontakte me jashtë. Do të ndodhë një ngjarje e mirë, një ndikim pozitiv, që do t’i çojë akrepat në një nivel më të lartë në lidhje me punën, projektet, planet në përgjithësi. Do të keni mundësi të mira për takime me njerëz seriozë, për të realizuar punë të mira.

 2. Peshorja-Do të merrni një ngritje në çështjet e karrierës. Do të finalizoni një çështje punë dhe prestigji. Kujdes në çështjet familjare dhe ato që kanë të bëjnë me pushtetin. Mbani anën e të drejtës, rregullit dhe ligjit dhe diçka e rëndësishme dhe e mirë do të ndodhë në jetën e tyre.

1. Ujori-Në datën 24 është një hënë e re e mirë për të gjithë. Do të jepni energjinë dhe punën tuaj në ndihmë të të mirës së përgjithshme. Do çliroheni nga një Janar disi i vështirë në datën 24. Kini kujdes me punën dhe shëndetin, deri në mesin e Janarit dhe më pas do të ndjeni një atmosferë më të mirë./tvklan.al