Një person ka mbetur i plagosur me thikë pas një konflikti në kryeqytet. Ngjarja ka ndodhur në rrugën “4 Dëshmorët” pranë gjimnazit “Partizani”.

Sipas informacioneve paraprake, i plagosuri 60-vjeçar me iniciale A.D. është dërguar në spital ku po merr trajtim mjekësor.

Ndërkohë, autori i dyshuar, 40-vjeçari me iniciale E.Xh., është arrestuar nga policia. Ai është person me precedent të mëparshëm penal.

Të dy kanë qenë në një lokal në të njëjtën tavolinë duke konsumuar alkool kur ndodhi sherri me pasojë plagosjen.

Shkaqet e konfliktit po hetohen nga policia.

Njoftimi i Policisë Tiranë:

Më datë 12.10.2024, rreth orës 18:00, në rrugën “4 Dëshmorët”, shtetasi E. Xh., rreth 40 vjeç, dyshohet se pas një konflikti të çastit ka goditur me mjet prerës shtetasin A. D., 60 vjeç.

60-vjeçari si pasojë është dëmtuar dhe ndodhet në spital në kujdesin e mjekëve, ndërsa autori i dyshuar është shoqëruar në komisariat për veprime të mëtejshme.

Grupi hetimor ndodhet në vendngjarje dhe po punon për sqarimin e rrethanave të ngjarjes.

/tvklan.al