Zëvendëspresidentja Kamala Harris pranon ftesën e CNN për të debatuar me ish-presidentin Donald Trump më 23 tetor. Ajo sfidon rivalin e saj në një tjetër përballje në javët e fundit të fushatës.

“Zëvendëspresidenti Harris është gati për një mundësi tjetër për të ndarë një skenë me Donald Trump,” tha në një deklaratë kryetarja e fushatës se sja. “Donald Trump nuk duhet ta ketë problem të pajtohet me këtë debat.”-shtoi ajo

CNN u ofroi të dyja kampeve një format të ngjashëm me debatin e qershorit, në të cilin Trump dhe Harris do t’u përgjigjeshin pyetjeve të moderatorëve për 90 minuta pa një audiencë live në studio.

“Si nënpresidenti Harris dhe ish-presidenti Trump morën një ftesë për të marrë pjesë në një debat të CNN këtë vjeshtë pasi ne besojmë se populli amerikan do të përfitonte nga një debat i dytë midis dy kandidatëve për President të Shteteve të Bashkuara”, tha rrjeti televiziv në një deklaratë. “Ne mezi presim të marrim një përgjigje nga të dyja fushatat, në mënyrë që publiku amerikan të mund të dëgjojë më shumë nga këta kandidatë ndërsa ata marrin vendimin e tyre përfundimtar.”

Trump sugjeroi javën e kaluar se ai mund të ishte i hapur për të marrë pjesë në një debat të tretë presidencial pas përballjes së tij të 10 shtatorit me Harris të organizuar nga ABC në Filadelfia.

“Ndoshta nëse do të isha në humorin e duhur,” u tha ai gazetarëve gjatë një ndalese në Kaliforni, pasi më parë kishte postuar në Truth Social, se “nuk do të ketë debati të tretë!”

Pritet një përgjigje përfundimtare nga drejtuesit e fushatës së Trump nëse kjo përballje e tretë do të realizohet më 23 Tetor në CNN.

Klan News