Në internet janë publikuar pamjet e momentit kur autori i sulmit kamikaz në një kishë në Egjipt, u vetëhodh në erë.

Videoja e regjistruar nga kamerat e sigurisë tregon momentin kur kamikazi afrohet për nga hyrja dhe i kërkohet që të kalojë tek detektori metalik, në krah të derës kryesore të kishës.

Ai mund të shihet teksa ecën drejt detektorit, bën një hap prapa dhe më pas shpërthen.

Ministria egjiptiane e Shëndetit tha se 16 persona humbën jetën, përfshirë 3 oficerë policie, ndërsa 41 të tjerë mbetën të plagosur.

Shpërthimi erdhi vetëm pak orë pasi një tjetër bombë tronditi kishën koptike në Tanta, duke vrarë të paktën 27 – persona dhe plagosur 78 të tjerë.

Në të dyja rastet përgjegjësinë e ka marrë përsipër i ashtuquajturi Shteti Islamik./tvklan.al