Forcat zjarrfikëkse në Kaliforni janë në garë me kohën për të vënë nën kontroll zjarret që janë përhapur në Malibu.

Mbi 4 mijë hektarë janë shkrumbuar ndërsa mbi 6 mijë persona janë evakuuar deri më tani. I ashtuquajturi Franklin nisi të përhapej në fillim të javës pranë Universitetit Pepperdine dhe dogji disa shtëpi.

Terreni në veriperëndim të Los Anxhelosit si dhe era po e vështirësojnë punën e zjarrëfikësve për të shuar flakët. Rreth 20,000 njerëz janë evakuuar nga zonat e rrezikut.

Në mesin e atyre që u detyruan të largoheshin ishin të famshëm Dick Van Dyke dhe Cher. Shtëpitë në pronësi të yjeve, duke përfshirë Lady Gaga, Beyonce dhe Jay Z, raportohet se janë mes atyre që u urdhëruan të evakuohen.

Zyrtarët nuk kanë përcaktuar ende se cili është shkaku i zjarrit. Bizneset, shkollat ​​dhe rrugët kryesore përreth Malibu janë mbyllur. Gati 60,000 familje në Kaliforni janë pa energji elektrike. Një gjendje e jashtëzakonshme është shpallur gjithashtu në Los Anxhelos.

Klan News