Lajme Arkiva – TV Klan 2001

Top Albania Radio sot mbushi 3 vjeç. Përvjetori i sotëm e ka gjetur Top Albania Radion si radion e vetme private me licencë kombëtare. Në ambientet  saj sot, ishin të ftuar Presidenti Rexhep Mejdani, kryeministri Ilir Meta, ambasadori amerikan në Tiranë Jozef Limpreht, ambasadori i OSBE-së Gert Ahrens, personalitete të tjera të jetës kulturore, artistike dhe medias elektronike shqiptare, si dhe mjaft gazetarë.

Urimet për radion më të ndjekur Top Albania kanë ardhur në një mënyrë mjaft origjinale. Në studion e transmetimit direkt, veç Gertës, kanë dhënë urimin e tyre të gjithë të pranishmit.

Marsel Skëndo:- “Nëpërmjet kësaj radioje, u çoj edhe unë përshëndetjet e mia për dëgjuesit e saj, për të gjithë shqiptarët kudo që janë dhe që është radioja më e fuqishme deri më sot”.

Në përvjetorin e tretë të saj, Top Albania Radio përuroi dhe studion e saj të re. Pronari i Top Albanias Dritan Hoxha thotë:

Dritan Hoxha:- “Po të punojmë me këtë motiv që punoi deri më sot, ajo do të vazhdojë edhe tre mijë vjet”./tvklan.al

Gazetare – Mirela Milori