Adoleshentët mbeten konsumatorët më të mëdhenj të ëmbëlsirave dhe pijeve me sheqer.

Raporti i fundit i OBSH për Europën, pjesë e të cilit është edhe Shqipëria, tregon se 1 në 4 adoleshentë raportojnë se konsumojnë çdo ditë ëmbëlsira ose çokollatë.

Kjo normë është më e lartë tek vajzat, konkretisht me 28 % dhe 25 % tek djemtë.

Konsumi i lartë i produkteve me sheqer është vënë re si tek vajzat 11-vjeçare ashtu edhe tek ato 15-vjeçare.

Kjo normë më e lartë tek vajzat ka shënuar rritje që nga viti 2018, konkretisht nga

23% në 27% për vajzat 11-vjeçare dhe nga 26% në 28% për ato 15 vjeç.

Raporti zbulon gjithashtu një lidhje shqetësuese midis statusit socio-ekonomik dhe zakoneve të pashëndetshme diete tek adoleshentet.

Të rinjtë që vijnë nga familje me të ardhura të ulëta kanë më shumë gjasa për të konsumuar pije me sheqer çdo ditë dhe më pak gjasa për të ngrënë dhe perime.

E ndërsa vajzat konsumojnë më shumë embëlsira, djemtë rezultojnë më shumë mbi peshë ose obezë.

Normat e mbipeshës dhe obezitetit janë më të larta tek djemtë (27%) sesa tek vajzat (17%).

Tv Klan