Dardan Vuthaj e ka mbyllur aventurën tek Egnatia. Sulmuesi dhe drejtuesit e klubit rrogozhinas, kanë vendosur të mbyllin bashkëpunimin mes tyre. Menjëherë pas largimit nga kampionët e Shqipërisë, Vuthaj nuk ka humbur kohë dhe ka zgjedhur skuadrën e re. Futbollisti 29-vjeçar do të vazhdojë karrierën në Itali, te skuadra e Chieti, e cila militon në Serie D. Marrëveshja mes palëve është mbyllur dhe Vuthaj ka nisur menjëherë stërvitjen me skuadrën e re. Sulmuesi u transferua në Superiore në merkaton e verës, por aventura tek Egnatia zgjati pak. /tvklan.al

35 persona kanë humbur jetën dhe më shumë se 40 tjerë janë plagosur kur një shofer përplasi turmat që po bënin ushtrime në ambientet e një qendre sportive në qytetin Zhuhai në Kinë. Drejtuesi i mjetit u arrestua nga policia teksa përpiqej të largohej nga vendngjarja. Mësohet se në gjendje të rënduar psikologjike ka lënduar veten me një thikë dhe është dërguar menjëherë në spital. Nga hetimet paraprake të policisë rezulton se ngjarja e rëndë ishte shkaktuar nga pakënaqësia e 62-vjeçarit për shkak të ndarjes së pronave pas një divorci. Klan News

Drejtori i Përgjithshëm i Policisë së Shtetit Ilir Proda, vizitën e parë jashtë vendit si Drejtor i Përgjithshëm, po e zhvillon në Policinë e Kosovës. Në takimin prezantues, Drejtor Proda u prit nga homologu i tij, Drejtori i Përgjithshëm i Policisë së Kosovës Kolonel Gazmend Hoxha. Gjatë takimit, drejtorët Proda dhe Hoxha, të shoqëruar nga drejtues të lartë të policive respektive, diskutuan mbi mënyrat si mund t’i sinkronizojnë më shumë kontrollet dhe veprimet operacionale, me qëllim parandalimin e paligjshmërive dhe garantimin e lëvizjes së sigurtë të shtetasve, mjeteve dhe mallrave....

“Të vërtetat që mbartim” është autobiografia e zv.Presidentes së SHBA-ve, Kamala Harris libër i cili u promovua në Tiranë. Parathënia e librit në shqip është përgatitur nga Linda Rama, bashkëshortja e kryeministrit Edi Rama.  Në libër, bashkëshortja e kryeministrit Rama shprehet se parathënia është bazuar në dy momente; ‘liritë dhe të drejtat’ dhe ‘profili i prokurorit’. Duke u ndalur te rezultati i zgjedhjeve në SHBA, tha se gjërat erdhën siç deshi populli amerikan. Linda Rama: Dhe kjo është bukuria e demokracisë që popujt të vendosin dhe tranzicioni jonë i 30 viteve na ka treguar se...

Republika Çeke po përgatitet me ritëm të lartë për takimin e radhës në Ligën e Kombeve ndaj Shqipërisë. 90 minutësh i cili parashikohet tepër i vështirë nga mbrojtësi i Slavias së Pragës, Tomas Holes.“Natyrisht që është pak e komplikuar. Kemi ditë të mjaftueshme për stërvitje, kështu që do ta praktikojmë skemat dhe shpresojmë që të funksionojë edhe në fushë. Do të shkojmë në Shqipëri. Do të ishte mirë nëse fitojmë dhe një rezultat tjetër është i mirë për ne. Është vetëm në duart tona dhe kjo është gjëja më e rëndësishme. Unë mendoj se do të jetë një ndeshje ndryshe nga ajo që luajtëm me...

Pas garës për drejtorët e policive në qarqe, Policia e Shtetit është duke zhvilluar edhe konkursin për shefat e komisariateve në rang republike. Bëhet fjalë për 48 poste për shef komisariati, për të cilët kanë shfaqur interes janë 290 oficerë policie. Emrat e tyre janë bërë publike nga Policia e Shtetit këtë të martë. Mes emrave që konkurrojnë, nga radhët e Policisë së Shtetit janë edhe 9 gra. Komisioni i Vlerësimit të Aplikimeve do të shqyrtojë të gjitha kandidaturat me qëllim verifikimin e plotësimit të kushteve ligjore nga kandidatët të cilët kanë shprehur interes për pozicionin “Shef...

Në raportin më të fundit tremujor të politikës monetare të Bankës së Shqipërisë vihet re se ekonomia ka ardhur me rritje gjatë muajve të fundit. Rritja e pagave dhe niveli i punësimit janë ndër kontribuesit kryesorë të indikatorëve pozitivë. Erald Themeli, Dr. i Departamentit të Politikës Monetare, BSH: Kemi pasur një rritje ekonomike solide ku sipas të dhënave të INSTAT gjatë gjashtë mujorit të parë të vitit kjo rritje ishte në nivelin 4% dhe ajo që është po aq e rëndësishme është që rritja ekonomike është shoqëruar me zgjerim të punësimit, rritje të pagave dhe përmirësim të shëndetit të...

Federata Shqiptare e Futbollit, vazhdon përgatitjet në stadiume, për organizimin e Europianit U-17, në vitin 2025. “Egnatia Arena”, një nga stadiumet e përzgjedhura për ndeshjet e Europianit, po shkon drejt përfundimit të rikonstruksionit total, në mënyrë që të plotësojë kushtet e kërkuara nga UEFA. FSHF aktualisht po investon në sistemin e ndriçimit, në pajisjen me ‘led perimetral’, në punimet e tribunave dhe në pajisjen me stola të stadiumit. “Egnatia Arena” është një nga katër stadiumet e përzgjedhura që do të presë finalet e Europianit U-17 2025 në Shqipëri. /tvklan.al

Zëvendëskryeministrja, njëherësh Ministre e Infrastrukturës dhe Energjisë, Belinda Balluku ka nënshkruar marrëveshjen mes Korporatës Elektroenergjetike Shqiptare (KESH) dhe gjigandit energjitik të Emirateve të Bashkuara, Masdar, për krijimin e kompanisë së përbashkët publike që do të investojë në Shqipëri dhe në rajon. Balluku ndodhet në Azerbajxhan në kuadër të Samitit të Klimës COP29 së bashku me Kryeministrin Edi Rama dhe ministren e Turizmit dhe Mjedisit, Mirela Kumbaro. Gjatë vizitës në Baku, Rama më herët është takuar me Presidentin e Emirateve të Bashkuara, Sheikh Muhammed Bin Zayed....

Ish-ministri Edmond Haxhinasto është paraqitur në SPAK ditën e sotme. Nuk dihen arsyet përse Haxhinasto është paraqitur në Prokurorinë e Posaçme. Kujtojmë se Edmond Haxhinasto ka qenë ministër i LSI vite më parë. Në periudhën 2009 – 2010, Haxhinasto ka shërbyer si zëvëndësministër i Punëve Publike dhe Transporteve. Në periudhën 2010–2012 ka mbajtur postin e ministrit të Jashtëm. Nga viti 2012 deri në vitin 2013 ka mbajtur postin e ministrit të Ekonomisë, Tregtisë dhe Energjisë. Nga Janari 2011 deri në Prill 2013, Edmond Haxhinasti ishte zv/Kryeministër. /tvklan.al