Lajme, #edicioniinformativ ora 12:00 data 10 Nëntor 2024 #TvKlan #klanlajme Spiker: Redi Prifti

Presidenti i sapozgjedhur Donald Trump ka konfirmuar se Nikki Haley dhe ish-sekretari i Shtetit, Mike Pompeo nuk do të bashkohen me administratën e tij. “Unë nuk do të ftoj ish-ambasadoren Nikki Haley, apo ish-sekretarin e shtetit, Mike Pompeo, për t’iu bashkuar administratës Trump, e cila aktualisht është në formim. Më pëlqeu dhe vlerësova shumë punën me ta më parë dhe do të doja t’i falënderoja për shërbimin e tyre ndaj vendit tonw”, ka postuar Trump në rrjetet sociale. Haley, një ish-guvernatore e Karolinës së Jugut, e cila shërbeu si ambasadore e SHBA-së në Kombet e Bashkuara,...

Gjykata e Posaçme i ka komunikuar masën e sigurisë “arrest me burg”, Leonard Luzit, i njohur edhe me mbiemrat Zejno e Sejno, i ekstraduar dy ditë më parë nga Spanja në Shqipëri. Ai është i dyshuar nga SPAK si njeriu që organizoi një atentat ndaj Ervis Matodashajt dhe Inez Hajrullës, një personazh i njohur për drejtësinë, i cili ka mundur t[i mbijetojë disa tentativave për vrasje. Ngjarjet në fjalë, por që nuk mundën të finalizoheshin i përkasin verës së 2023, kohë kur Policia e Vlorës arrestoi të riun, Amarildo Nikolli. Disa muaj pas arrestimit Nikolli vendosi të bashkëpunojë me drejtësinë...

Donald Trump triumfon edhe në Arizona, shteti i fundit i mbetur pa papërcaktuar fituesin e zgjedhjeve presidenciale. Teksa pak kuti kanë mbetur për t’u numëruar, rezultati tashmë është i qartë. 11 votat e këtij shteti në kolegjin elektoral shkojnë për kandidatin republikan. Të 7 shtetet e lëkundura shkojnë për Trump, duke hedhur poshtë sondazhet. Me shpërndarjen e 538 delegatëve të kolegjit, Donald Trump ka 312 të tillë ndërsa Kamala Herris 226. Ende e papërcaktuar mbetet shumica në Dhomën e Ulët të Kongresit. Republikanët janë 5 vende larg vendeve të nevojshme për të patur shumicën prej 218...

Një sasi tritoli shpërtheu në derën e banesës së Ardian Fierzës në lagjen “Tre Heronjtë” në Shkodër. Ngjarja u regjistrua në orët e para të mëngjesit e për pasojë pati vetëm dëme materiale. Kjo është hera e dytë në pak muaj që ndaj 52-vjeçarit Fierza organizohen sulme me eksploziv. Herën e parë, më 29 Gusht atij iu vendos një sasi lënde plasëse në derën e biznesit të tij, një agjenci funerale pranë Spitalit të Shkodrës. Shpërthimi i regjistruar në derën e banesës së 52-vjeçarit, e ka çuar në 23 numrin e sulmeve me tritol, të regjistruara përgjatë 2024 në të gjithë vendin. Shkodra është qarku...

Gjykata e Korçës ka lënë në burg 41-vjeçarin që tentoi të vriste me thikë  ish-partneren e tij. Prokuroria kërkoi masën e sigurisë arrest me burg për Ilir Çamin, mbi të cilin rëndon akuza e vrasjes së mbetur në tentativë, kërkesë që u pranua nga gjykata. Gjatë seancës për vlerësimin e arrestit dhe caktimin e masës së sigurisë, Çami ka treguar pendesë për veprimin, ndërsa ka pohuar se shkak i konfliktit me Mandarina Çelën ishte një borxh prej 5 milion Lekësh që ajo nuk pranonte t’ia kthente. Ilir Çami goditi me thikë paraditen e të mërkurës Mandarina Çelën, në afërsi të Spitalit të Korçës....

Gjykata e Posaçme ka lënë në burg Leonard Luzin, i njohur edhe me mbiemrin Zejno dhe Sejno, i cili u ekstradua një ditë më parë nga Spanja. Gjykatësi Bib Ndreca vendosi vazhdimin e masës së sigurisë ndaj 47-vjeçarit. Luzi është i dyshuar nga SPAK si njeriu që ka organizuar një atentat ndaj Ervis Matodashajt dhe Inez Hajrullës në verën e 2023. Ky i fundit një personazh i njohur për autoritet dhe që i ka shpëtuar më herët disa atentateve. Ndërkohë, ngjarja e Gushtit të 1 viti më parë nuk u realizua pasi Amarildo Nikolla, i kontraktuar nga 47-vjeçari Luzi, si personi që do kryente ekzekutimin u...

Presion më të drejtpërdrejt për të arritur një marrëveshje ndërmjet Kosovës dhe Serbisë si dhe anëtarësim të Kosovës në NATO presin analistët dhe ekspertët e sigurisë në katër vitet e ardhshme kur SHBA-ja do të drejtohet nga administrata Trump. Analisti politik Artan Behrami thotë se politika e jashtme amerikane nuk do të ndryshoj ndaj Kosovës e as rajonit, por vetëm teknikat për të bindur palët për të arritur marrëveshje. Ai kritikon qasjen e qeverisë Kurti që kishte më parë ndaj administratës Trump duke kujtuar përplasjet e vazhdueshme me Richard Grenell i cili ishte i dërguar i SHBA-së për...

Jo shumë larg nga Vlora ndodhet një prej objekteve më të rëndësishme të kultit, Manastiri i Zvërnecit. Ky territor dikur ishte një zonë e pabanuar. Ata që e populluan këtë vend, sipas historianëve, erdhën nga ishulli i Sazanit. Manastiri dhe kisha janë të vendosura në një prej zonave më piktoreske të qytetit të Vlorës. Për arkitekturën, vlerësohet si një nga objektet e rralla në vendin tonë. E pikërisht për bukurinë e zonës, por edhe të vetë objektit është një prej destinacioneve më të zgjedhura turistike. Këtu gjen turistë në çdo stinë të vitit. Nuk preferohet vetëm gjatë sezonit turistik,...

Dhjetëra mijëra njerëz protestuan në qytetin juglindor spanjoll të Valencias për mënyrën sesi autoritetet trajtuan përmbytjet shkatërruese. Ndërsa protestuesit u mblodhën në qendër të qytetit, shumë kërkuan dorëheqjen e liderit rajonal Carlos Mazon, duke e akuzuar atë për keqpërdorim të krizës. Demonstruesit brohorisnin “Vrasës!” dhe mbanin tabela që lexonin, “Duart tona janë njollosur me baltë, tuajat me gjak”. Në tubim mbizotëroi edhe një tjetër slogan: “Alarmi ra kur po ngjitesha në ballkon”, duke theksuar mungesën e paralajmërimeve në kohë. Ata...