Atalanta vazhdon me formën e shkëlqyer në Serie A. Skuadra nga Bergamo, regjistroi fitoren e gjashtë radhazi në kampionat, pasi mposhti Udinese-n me rezultatin 2-1.

Berat Gjimshiti e nisi ndeshjen si titullar, por u zëvendësua në minutën e 25-të për shkak dëmtimi.

Pjesa e parë u mbyll me avantazhin e miqve, pas golit të shënuar nga Kamara në minutën e tretë të shtesës.

Në fraksionin e dytë, zikaltërit përmbysën rezultatin me golin e Pasalic në minutën e 56-të dhe autogolin e Toure në minutën e 60-të.

Me këtë fitore, Atalanta mban vendin e dytë me 25 pikë, po aq sa edhe Napoli kryesues, që në mbrëmje luan ndaj Interit. /tvklan.al