OBSH bën thirrje për vigjilencë ekstreme

Pandemia e koronavirusit ka hyrë në një “fazë të re dhe të rrezikshme”. Paralajmërimi vjen nga organizata botërore e shëndetit, e cila thotë se rastet e reja me Covid-19 në vetëm në një ditë në nivel global janë mbi 150,000 . Kreu i OBSH tha se virusi është ende vdekjeprurës.

“Bota është në një fazë të re dhe të rrezikshme. Virusi ende po përhapet me shpejtësi, ende është vdekjeprurëse dhe shumica e njerëzve janë akoma të ndjeshëm. Ne i bëjmë thirrje të gjitha vendeve dhe të gjithë njerëzve që të ushtrojnë vigjilencë ekstreme”.

Kurba e infeksioneve duket se ka nisur sërish ngjitjen edhe pse pjesa më e madhe e vendeve kanë lehtësuar masat anti-covid.

Sipas raportit të OBSH, rastet e konfirmuara me Covid-19 në të gjithë botën arritën në 8.385.440, kurse numri i viktimave ka shkuar në 450.686.

SHBA vijojnë të mbeten vendi më i goditur nga pandemia me 2.2 milionë të prekur dhe 119.086 fatalitetete. Ndiqet menjëherë nga Brazili me mbi 1 milionë të prekur dhe 49 mijë viktima dhe Rusia me 576,952 raste te reja dhe mbi 8 mijë të vdekur.

Tv Klan