Titujt kryesorë 06 Qershor 2009, ora 19 30

Berisha në Berat: Boshti i jugut, kryeprojekti i mandatit të dytë

Kryeministri Berisha deklaroi në Berat, se ndërtimi i boshtit të jugut do të jetë kryeprojekti i infrastrukturës rrugore në mandatin e dytë të qeverisë së djathtë. Ai siguroi biznesin e vogël se nuk do të taksohet pa kriter nga vendorët.

Shqipëri-Portugali, Queiroz: Ja pse shqiptarët do të kërkojnë fitoren

Pas pak minutash kombëtarja shqiptare do të përballet me Portugalinë në “Qemal Stafa”, një ekip që kërkon fitoren për tu kualifikuar në botërorin e vitit 2010. Trajneri portugez jep arsyet pse kombëtarja jonë do të kërkoj fitoren.

Kartat, Nishani: Do t’i shpërndajmë brenda afateve

Ministri i Brendshëm Bujar Nishani, garantoi edhe njëherë, se qytetarët shqiptarë do të pajisen me letër njoftimet e reja brenda afateve. Ai njoftoi gjithashtu se zyrat e aplikimit, do të punojnë çdo ditë deri në orën 22.

Hapja e tunelit në Kalimash ul koston e udhëtimit Prishtinë-Tiranë

Agjensitë e udhëtimit në mbarë Kosovën, kanë nisur afishimin e tarifave të reja të udhëtimit drejt shqipërisë. Pas hapjes së tunelit të Kalimashit, me rrugën e re kostoja e udhëtimit është ulur plot 80%.

Gjenden në Atlantik trupat e avionit të rrëzuar “Air France”

Pas 6 ditë kërkimesh, forcat e specializuara të ajronautikës braziliane, kanë gjetur në oqeanin Atlantik trupat e pa jetë të disa pasagjerëve dhe pjesë nga avioni i rrëzuar. Mbeten ende mister shkaqet e rrëzimit.

Edicioni i lajmeve Tv Klan  – 06 Qershor 2009, ora 19 30 – Spiker: Fjoralba Mishaxhi