Mes surprizave të shumta që ishin rezervuar në këtë natë të ‘X Factor Albania’ ishte edhe performanca e Elhaida Danit.

Ajo ka qenë në krye të grupit të Vajzave dhe The Chemicals duke i trajnuar dhe qëndruar pranë që nga dita e parë. E kush më mirë se ajo mund t’i kuptojë e mbështesë yjet e ardhshëm të muzikës shqiptare.

Elhaida është fituese e disa çmimeve dhe garave muzikore si Star Akademi, Top Fest, The Voice of Italy, Festivalit të Këngës në RTSH 2014, që e bëri përfaqësuese të Shqipërisë në Eurosong 2015.

Sonte ajo u ngjit në skenë për të dhuruar një performancë drithëruese. Artistja nga Shkodra këndoi “Adagio”, duke dhuruar emocione.

Elhaida vijon rrugëtimin në “X Factor Albania” me tre konkurrentë Kleansa, Anisa dhe The Chemicals./tvklan.al