Gara për pesë skuadra në Champions, Spanja “presion” Italisë

Me rregulloren e re, në Champions League, dy shtete do të përfaqësohen me nga pesë ekipe. Anglia duket se e ka siguruar vendin e parë, për shkak të rezultateve të arritura nga skuadrat e këtij vendi në kompeticionet europiane.

Me vendin e parë që është zënë, lufta tashmë është për vendin e dytë. Aktualisht Italia mban pozicionin e dytë, që i lejon të përfaqësohet nga pesë ekipe në Champions.

Megjithatë presioni nga Spanja duket i madh. Italia renditet e dyta me 17.562 pikë, ndërsa ndiqet nga Spanja me 17.464 pikë.

Gjermania aktualisht renditet shumë larg, me 14.921 pikë. Fitorja e Real Madrid ndaj Manchester Cityt, i dha dhënë një hov të rëndësishëm spanjollëve, sa i përket pikëve.

Italia ka mundësi të rikuperojë pikë këtë të Mërkurë, pasi në Champions luajnë Milani dhe Atalanta. Fitoret në fazën “play off” vlejnë dy pikë, ndërsa barazimi 1 pikë. Kalimi në fazën e 1/16 vlerësohet me 1.5 pikë në Champions, ndërsa 1 pikë në Europa League.