Supermodelja Gisele Bündchen është bërë nënë për herë të tretë.

Ish-engjëlli i Victoria’s Secret ka sjellë së fundmi në jetë fëmijën e saj të parë me të dashurin Joaquim Valente. Ajo ka edhe dy fëmijë të tjerë me Tom Brady.

Sipas TMZ, ylli i pasarelave dhe fëmija janë “të shëndetshëm”, por nuk dihet asgjë më tepër. Mbetet ende e paqartë se kur lindi fëmija apo emri i tij.

Shtatzënia e saj u zbulua nga mediat kur ajo ishte rreth 5-6 muajshe. Sipas burimeve të TMZ, çifti do të priste derisa të lindte fëmija për të mësuar gjininë, e cila nuk është zbuluar.

Ish-burri i saj dhe dy fëmijët u vendosën në dijeni për shtatzëninë përpara se lajmi të merrte ‘dhenë’.

Gisele dhe Joaquim, një instruktor jiu-jitsu u panë bashkë në vitin 2022  kur ai shkoi bashkë me modelen dhe fëmijët e saj në Kosta Rika, vetëm pak javë pas divorcit nga ylli i futbollit.

/tvklan.al