Një 45-vjeçar është gjetur i pajetë në një mjet në Korçë. Sipas asaj që raporton korrespondentja e Klan News, Daniela Zisi, mjeti ndodhej në një rrugë dytësore në periferi të Korçës.

Referuar të njëjtave burime, dyshohet se viktima mund të ketë pirë stimulues, si pasojë e të cilëve ka gjetur vdekjen.

Ndërkohë, Policia njofton se nga këqyrja e jashtme e trupit të 45-vjeçarit nuk janë konstatuar shenja dhune dhe dyshohet për vdekje natyrale.

Mësohet se 45-vjeçari me iniciale C.M. ka humbur kontaktet prej ditës së djeshme me familjarët, të cilët e kanë raportuar në polici rastin.

Grupi hetimor nën drejtimin e Prokurorisë po punon për sqarimin e rrethanave të rastit.

Njoftimi i Policisë:

Në lagjen nr. 10 Korçë, është gjetur pa shenja jete në mjetin e tij, shtetasi C. M., 45 vjeç.

Nga këqyrja e jashtme e trupit të këtij shtetasi nuk janë konstatuar shenja dhune dhe dyshohet për vdekje natyrale.

Grupi hetimor nën drejtimin e Prokurorisë po punon për sqarimin e rrethanave të rastit.

/tvklan.al