Gjykata e Posaçme Kundër Korrupsionit dhe Krimit të Organizuar ka dënuar me 125 vite burg 17 personat e përfshirë në laboratorin e heroinës në Brenog të Hasit. Admir Hoxha i cilësuar kreu i grupit kriminal që merrej me prodhimin dhe trafikun e heroinës u dënua me 12 vite burg në mungesë, pasi në asnjë moment nuk është gjetur nga policia.

Ndërsa Altin Avdyli që njihet si kreu i grupit të Avdylajve, është dënuar 6.8 vite burg.

Gjevi Ndoka, vëllai i ish-deputetit socialist Arben Ndoka, gjykata e ka dënuar me 8.8 vite burg.

Sipas vendimit të gjykatës, të gjithë të dënuarit janë përfshirë në role të caktuara në trafikim të drogës nga Shqipëria drejt vendeve të BE-së, si edhe për përgatitjen e heroinës në laboratorin e ndërtuar në fshatin Brenog të Hasit. Laboratori u zbulua në sajë të operacionit “Vol-Vo 4”, në Tetor 2018, ku u sekuestrua një sasi e konsiderueshme heroine.

Vendimet e GJKKO:

Admir Hoxha 12 vite

Gjevi Ndoka 8.8 vite

Altin Avdyli  6.8 vite

Esat Mehmeti  10 vite

Petrit Suljemani 8.8 vite

Sajmir Sulejmani  8 vite

Hajri Seferi 10.8 vite

Orges Jahoelezi 6.8 vite

Shkëlqim Avdyli 4.8 vite

Mario Zeqiri 4.8 vite

Elton Shehaj 4.8 vite

Ardit Gjyriqi 4.8 vite

Hekuran Hoxha 10.8 vite

Vehbi Berushi 8 vite

Anila Shuti 2 vite

Xhavit Shyti 8 vite

Flamur Çela 8 vite

TV Klan