#Lajme, #edicioniinformativ ora 23:00 data 1 Prill 2023 #TvKlan #KlanLajme

Spiker: Redi Prifti

Headline 1 Prill 2023

Rama firmos vendimin: 5 mijë Lekë për çdo pensionist. U thanë të pavërteta

Kryeministri Rama firmos vendimin që pensionistët të marrin 5 mije lekë shpërblim nga të ardhurat e mbledhura nga taksa e jashtëzakonshme për eksportuesit mëdhenj të energjisë. Sipas Ramës u thanë shumë të pavërteta për këtë çështje.

Berisha: Rama diskriminon veriun. Rruga e Arbrit mbahet peng nga hidrocentrali

Kryetari i Partisë Demokratike Sali Berisha akuzoi nga Dibra kryeministrin Rama se po diskriminon veriun. Berisha tha se projekti i hidrocentralit të Skavicës është korruptiv dhe se po mban peng përfundimin e Rrugës së Arbrit.

Kapet 41.7 kg heroinë në Tiranë, pranga 31-vjeçarit. Në kërkim bashkëpunetori i tij

Mbi 41 kilogram heroinë u sekuestrua nga policia në një operacion të zhvilluar në Tiranë. Në flagrancë u kap një 31 vjeçar nga Kurbini, ndërsa në kërkim u shpall një bashkëpunëtor i tij. Droga u gjet në një makinë e ndarë në 62 pako.

38 makina të vjedhura në 3 muaj. Dyshime se mund të përdoren nga grupet kriminale

Vjedhja e automjeteve po shqetëson policinë, pasi në mjaft raste ato përdoren në atentate të organizuara nga grupet kriminale. Te dhënat e policisë tregojnë se në 3 muajt e parë të këtij viti janë vjedhur 38 makina në të gjithë vendin.

Elbasan – Qafe Thanë, gati traseja e lotit të parë. ARRSH: Punimet, sipas parashikimeve

Punimet për autostradën e re Elbasan – Qafe Thanë janë realizuar ne masën 90% për lotin e parë të saj. Autoriteti Rrugor Shqiptar thotë se është hapur traseja në 5 kilometra dhe se gjithçka po ecën sipas parashikimeve.

Papa Françesku del nga spitali. Mesazhi i parë: Jam ende gjallë

Siç ishte parashikuar, Papa Françesku la sot spitalin Xhemeli të Romës ku ishte shtruar prej së mërkurës. Ati i shenjtë u tha me shaka besimtarëve që interesoheshin për shëndetin e tij, se ishte ende gjallë/tvklan.al