#Lajme, #edicioniinformativ ora 23:50 data 13 Shkurt 2023 #TvKlan #KlanLajme

Spiker: Redi Prifti

Headlines 14 Shkurt 2023

Protesta e opozitës shkakton tensione brenda dhe jashtë sallës së Kuvendit.

Tensione brenda dhe jashtë sallës se parlamentit nga protesta e opozitës. Protestuesit hodhën flakadanë e mjete piroteknike ne drejtim te policisë, ndërsa deputetet mbajtën te bllokuar foltoren. Por tubimi përfundon qetësisht.

Rama pret Kryeministrin e Landit të Bavarisë. Bashkëpunim për thithjen e investimeve gjermane.

Kryeministri Rama priti ne nje takim zyrtar kryeministrin e landit te Bavarisë. Ne nje konference për shtyp ai shmangu komentet per protestën, ndërsa tha se bashkëpunimi me Bavarine synon thithjen e sa me shume investimeve gjermane.

Tritol një hoteli në Sarandë. Shpërthimi rrafshon ndërtesën, dëmtohen disa objekte.

Nje shpërthim i fuqishëm tronditi sot Sarandën kur një hotel dykatësh u hodh ne ere me një sasi te madhe eksplozivi te vendosur nga persona ende te paidentifikuar. Shpërthimi shkatërroi tërësisht objektin dhe dëmtoi disa ndërtesa te tjera.

Bashkëpunoi me një grup kriminal, SPAK dërgon në gjykatë ish-Shefin e Krimeve.

SPAK dërgon ne gjykate ish –shefin e krimeve Leonard Palushin, nen akuzën per korrupsion. Prokuroria e Posaçme thotë se ai ka ndihmuar te kërkuarin e drejtësisë, Erjon Alibej, duke tjetërsuar hetimet për një ngjarje ku ai ishte i përfshirë.

Flamuri shqiptar në gjysmë shtizë për viktimat e tërmetit, nis mbledhja e ndihmave.

Flamuri shqiptar qëndroi sot ne gjysme shtize, në ditën e zisë kombëtare në nder të mbi 37 mije viktimave te tërmetit shkatërrimtar ne Turqi dhe Siri. Veç nderimeve, ne Tirane ka nisur mbledhja e ndihmave për te prekurit nga kjo fatkeqësi.

Objekte jashtëtokësore mbi Amerikën Veriore? Ushtria nuk e përjashton, Shtëpia e Bardhë e mohon.

SHBA janë ne alarm nga prania e objekteve të pazakonta mbi Amerikën Veriore. Komandanti i forcave ajrore amerikane nuk përjashton mundësinë që ato të jenë objekte jashtëtokësore, por shtëpia e bardhë tha se nuk ka prova të tilla.

/tvklan.al