#Lajme, #edicioniinformativ ora 23:20 data 17 Gusht 2023 #TvKlan #KlanLajme

Spiker: Redi Prifti

Headline 17 Gusht 2023

“Sterilizimi”, SPAK arreston ish-zëvendës ministrin e shëndetësisë dhe biznesmenin Ilir Rrapaj. SPAK: Në hetim Beqaj dhe Cani

SPAK arreston ish-zëvendësministrin e Shëndetësisë, Klodjan Rrjepaj dhe biznesmenin Ilir Rrapaj ne lidhje me koncesionin e sterilizimit. Prokuroria thotë se për të njëjtën dosje ka nën hetim edhe ish-ministrat Ilir Beqaj dhe Shkëlqim Canin

“The Times” sugjeron Shqipërinë për pushime: Mes 20 destinacioneve më të favorshme në botë

Prestigjiozja britanike “The Tajms” rendit Shqipërinë mes 20 destinacioneve më të mira në botë për pushimet e këtij viti. Ajo veçon çmimet e lira, por edhe natyrën e mrekullueshme, traditën dhe kulinarinë e veçantë.

Rai e Mediaset, emisione për Shqipërinë turistike: Po na konkurron me plazhet dhe çmimet

Mediat më të mëdha italiane, RAI e Mediaset vijojnë t’i kushtojnë vëmendje tepër të lartë dyndjes së turistëve italiane drejt Shqipërisë. Braktisja e plazheve të Italisë dhe vërshimi drejt Shqipërisë ka ngjallur debate në studiot televizive.

Nata e dytë e Festës së Birrës në Korçë. Filo: Impakt të rëndësishëm në ekonominë lokale

Qindra qytetarë, jo vetëm nga Shqipëria, por edhe nga jashtë vendit, moren pjesë ne natën e dytë të festivalit të birrës që po mbahet në Korçë. Kryebashkiaku Filo thotë se kjo festë ka një rëndësi të veçantë në ekonominë e zonës.