#Lajme, #edicioniinformativ ora 23:00 data 18 Qershor 2023 #TvKlan #KlanLajme

Spiker: Reis Çiço

Headline 18 Qershor 2023

Vrasja e Nikulajt, ekstradimi i tre të akuzuarve do të vendoset në Nëntor

Vendimi për ekstradimin e 3 personave me shtetësi britanike që akuzohen se janë përfshirë në vrasjen e biznesmenit Ardian Nikulaj do merret në nëntor. Mediat britanike konfirmojnë kërkesën zyrtare të palës shqiptare që i akuzon ata për ngjarjen.

NATO: Po e marrim seriozisht situatën në Kosovë. Përplasje  Vuçiç – Kurti për 3 policët

NATO thotë se po e merr seriozisht situatën e krijuar së fundmi në veri të Kosovës dhe nënvizon se KFOR është përgjegjës për ruajtjen e kufirit. Vijojnë përplasjet Prishtinw – Beograd për 3 policët. Vuçiç refuzon takimin me Kurtin në Bruksel.

The Telegraph: Shqipëria po eklipson Kroacinë. Miliona pushues mund të dynden në Shqipëri

Britanikja “Dhë Telegraf” fton lexuesit e saj që këtë sezon veror ta kalojnë në Shqipëri. Sipas saj, interesi për të udhëtuar drejt Shqipërisë po eklipson edhe Kroacinë duke bërë që miliona britanikë të tundohen nga plazhet shqiptare.

Fëmijët që kërkojnë lëmoshë, tmerr për turistët dhe burim për aksidente

Të miturit që lypin në rrugë po kthehen në një situatë bezdisese per shume qytetare, por edhe për turistet e shumtë që vijnë në Shqipëri. Madje në disa raste ata rrezikojnë të kthehen në burim aksidentesh në rrugët e vendit.

Blinken shkon në Kinë. I pari zyrtar i lartë amerikan që viziton Pekinin prej 5 vitesh

Pas 5 vitesh një zyrtar i lartë amerikan kryen një vizitë zyrtare në Kinë. Sekretari Entoni Blinken nisi turin e tij 2-ditor ne Pekin me shpresën se sheshimit të mosmarrëveshjeve mes dy ekonomive më të mëdha botë.

Goli i Asanit ndaj Moldavisë, mes më të mirëve të zgjedhur nga UEFA

UEFA përzgjedh golin e Jasir Asanit ndaj Moldavisë mes më të mirëve të javës së tretë të kualifikueseve të Euro 2024. Ndërsa mediat polake e quajnë Shqipërinë “një kërcënim për ta” pas fitores së të shtunës në Tiranë./tvklan.al