Spiker Drini Zeqo

Headlines 23 Janar

Rama: Nga 1 shkurti, shqiptarët do e paguajnë energjinë më pak se në shumë vende të Europës

Kryeministri Rama thotë se nga 1 shkurti shqiptarët do ta paguajnë energjinë më lirë se në shumë vende të Europës. Sipas tij, çmimi për ata që harxhojnë deri në 700 kilovatorë do të ulet me 10.5% dhe do të përfitojnë rreth 1 milion familje.

PD kushtëzon votën për ndryshimet në Kod: Emigrantët të votojnë edhe me pasaporta të huaja

Partia Demokratike deklaron se nuk do t’i votojë ndryshimet në Kodin Zgjedhor, nëse socialistët nuk pranojnë propozimin e tyre që emigrantët që nuk kanë dokumente identifikimi shqiptare, të votojnë me ato të vendeve ku jetojnë.

Afganët mbeten në Shqipëri. Trump firmos dekretin që u ndalon hyrjen në SHBA për 3 muaj

Afganët e ardhur përkohësisht në Shqipëri nuk do te mund te zhvendosen ne SHBA. Shkak është vendimi i Donald Trump që pezullon marrjen e tyre për të paktën 3 muaj. Mediat ndërkombëtare thonë se e ardhmja e tyre është e paqartë.

Ilir Beqaj, në gjyq për vjedhje në konçensionin e sterilizimit. Ish-ministri: Vendim i ndikuar politikisht

Gjykata vendosi të kalojë për shqyrtim dosjen për koncesionin e sterilizimit. Ish-ministri Ilir Beqaj, ish-zëvendësi i tij dhe një biznesmen do gjykohen për vjedhje si grup i strukturuar kriminal. Beqaj tha se vendimi ishte i ndikuar politikisht.

Trump, thirrje Putinit: Ndaloje këtë luftë qesharake, përndryshe do të vendos sanksione

Në një fjalë që mbajti online për forumin e Davosit, Presidenti Amerikan Donald Tramp tha se dëshironte që të takohej së shpejti me Vladimir Putin për t’i dhënë fund luftës në Ukrainë. Ai tha se miliona njerëz po humbin jetën në një luftë të kotë

Sylvinho nis vëzhgimin e lojtarëve kuqezi në prag të eliminatoreve të Kampionatit Botëror

Trajneri i Kombëtares Silvinjo nis një tur për të parë nga afër gjendjen e lojtarëve përpara sfidave kualifikuese të botërorit. Bashkë me ndihmësit e tij, ai ishte në Pragë ku pa takimin mes Spartës dhe Interit, teksa në fushë ishin Laçi dhe Asllani.

/tvklan.al