#Lajme, #edicioniinformativ ora 19:30 data 27 Nëntor 2022 #TvKlan #KlanLajme

Spiker: Reis Çiço

Headline 27 Nëntor 2022

Pavarësia bën bashkë Kuvendet e Shqipërisë dhe Kosovës. Rama: Rritim bashkëpunimin

110-vjetori i pavarësisë bën bashkë në Tiranë parlamentet e Shqipërisë dhe Kosovës. Kryeministri Edi Rama thotë se marrëdhëniet mes vendeve nuk janë vetëm të shkëlqyera, por edhe produktive. Kurti thotë se përçarja nuk ndihmon.

Protesta e PD, bashkia: Të mbahet në sheshin ‘’Skëndërbej’’. Berisha: Do jemi te Kryeministria

Bashkia e Tiranës i sugjeron Partisë Demokratike që protestën e 6 dhjetorit mos ta zhvillojë në bulevardin “Dëshmorët e Kombit”, por ne sheshin Skenderbej. Reagon Berisha që thotë se tubimi do të mbahet përpara kryeministrisë.

4 nga të arrestuarit e laboratorit të kokainës do kryenin vrasje. Plani detyroi policinë të ndërhynte.

4 nga të arrestuarit e laboratorit të kokainës në Fier kishin në plan të kryenin një vrasje. Tv Klan mëson se plani i tyre detyroi policinë të ndërhynte duke i vënë në pranga në rrugën e Arbrit bashkë me armët që kishin me vete.

Përgjaken rrugët, 2 vajza humbin jetën në Durrës- Tiranë. Plagoset rëndë shoferi.

2 vajza të reja humbin jetën në një aksident tragjik në autostradën Durrës – Tiranë. Ato ishin pasagjere në automjetin që humbi kontrollin dhe u përplas me barrierat. Shoferi ndodhet në gjendje të rëndë në spitalin e Traumes.

Thellohet bilanci, 5 të vdekur dhe 8 të zhdukur në Ischia të Italisë.

5 viktima dhe 8 të zhdukur është bilanci i deritanishëm i tragjedisë nga moti i keq në ishullin italian të Iskia. Shërbimet e emergjencës vijojnë punën për të nxjerrë të mbijetuar nga shtëpitë e mbuluara nga balta.

Dua Lipa merr pasaportë shqiptare. Ylli i muzikës: Jam shumë e nderuar. Mwezi pres koncertin në shesh.

Dua Lipa, këngëtarja me famë botërore do të mbajë nga sot edhe pasaportën shqiptare. Ajo mori shtetësinë nga Presidenti i Republikës dhe kreu betimin para kryebashkiakut Veliaj. Ylli i muzikës tha se ndihej shumë e nderuar pas këtij akti.

Marsela Çibukaj fiton ‘’Kënga Magjike’. Spektakël dhe emocione në ekranin e Tv Klan.

Marsela Çibukaj me këngën “I paftuar” triumfoi në edicionin e 23-të të festivalit “Kënga Magjike” në Tv Klan. Mes spektaklit dhe emocioneve festivali uli siparin mbrëmjen e së shtunës. Ky edicion bëri bashkë këngëtarë nga 13 shtete të ndryshme.

/tvklan.al