#Lajme, #edicioniinformativ ora 23:50 data 5 Dhjetor 2022 #TvKlan #KlanLajme

Spiker: Redi Prifti

Headlines 5 Dhjetor

Nesër Samiti i BE në Tiranë, nga Ukraina dhe emigracioni, te roaming Ballkan – BE

Tirana mirepret neser liderët e vendeve anëtare te Bashkimit Europian në samitin me Ballkanin Perëndimor. Diskutohet Ukraina dhe emigracioni. Pjesë e tij, edhe një marrëveshje për heqjen e tarifave te roamingut mes rajonit tonë dhe BE-së.

Rama: Samiti, moment fantastik për Ballkanin. Demonstron interesat gjeostrategjike të BE.

Kryeministri Edi Rama thotë se samiti që do të mbahet në Tiranë është një moment fantastik jo vetëm për Shqipërinë, por edhe për BE-në dhe Ballkanin Perëndimor. Sipas tij, kjo demonstron interesat gjeostrategjike të BE-së për rajonin.

Bllokohet qarkullimi në perimetrin e Samitit. Rrugë alternative për të lëvizur në Tiranë.

Kanë hyrë në fuqi një pjesë e masave të sigurisë për mbarëvajtjen e Samitit të nesërm. Policia kufizoi lëvizjen në zonën përreth vendit ku do mbahet samiti dhe ka publikuar rrugët alternative për hyrje-daljet dhe lëvizjen ne kryeqytet.

Berisha: Bashkohuni në protestë, t’u tregojmë liderëve të BE-së që Rama është hajdut.

Kryetari i Partisë Demokratike, Sali Berisha, kembengul per mbajtjen e protestës ne bulevardin “Dëshmorët e Kombit” dhe u bën thirrje qytetareve qe t’i bashkohen protestës per t’u treguar liderëve te BE-se se kush është kryeministri Rama.

Alimehmeti tërhiqet nga balotazhi për Tiranën: Anëtarësia foli pro Belind Këlliçit.

Opozita do të ketë Belind Këlliçin si kandidat të saj për bashkinë e Tiranës në zgjedhjet e 14 majit 2023. Kjo pasi mjeku Ilir Alimehmeti u tërhoq nga gara e balotazhit i cili të dielën e ardhshme do mbahet në 7 bashki të tjera.

Mbyllen hetimet për inceneratorin e Fierit. Alqi Bllakos i komunikohet akuza.

Prokuroria e Posaçme Kundër Krimit te Organizuar dhe Korrupsionit mbyll hetimet per inceneratorin e Fierit dhe i komunikon zyrtarisht akuzën ish-deputetit Alqi Bllako dhe zyrtareve te tjerë te arrestuar për këtë çështje.

Brazili dhe Kroacia përballen në çerekfinale. Eliminohwn Koreja e Jugut dhe Japonia.

Brazili dhe Kroacia do të përballen në çerekfinalet e Botërorit. Ato eliminuan Korenë e Jugut dhe Japoninë në ndeshjet e zhvilluara të hënën. Të martën zbresin në fushë Spanja dhe Portugalia në sfidat e tyre me Marokun dhe Zvicrën.  /tvklan.al