#Lajme, #edicioniinformativ ora 23:00 data 6 Korrik 2023 #TvKlan #KlanLajme

Spiker: Redi Prifti

Headlines 6 Korrik 2023

Rama nis turin në Ballkan. Kurti refuzon takimin. Kryeministri: Me kanun edhe hasmit i hapet dera

Kryeministri Edi Rama nisi sot turin e vizitave ne 5 kryeqytete te Ballkanit. Ai u takua në Prishtinë me Osmanin dhe Konjufcën, por jo me Kurtin edhe pse më herët nga Shkupi atij i kujtoi Kanunin se edhe hasmit i hapet dera.

Gjermania kufizon bashkëpunimin me Kosovën në disa fusha për shkak të tensioneve

Edhe Gjermania del kundër qeverise Kurti. Berlini njofton se ka kufizuar bashkëpunimin me Kosovën ne disa fusha per shkak te mospërmbushjes se kërkesave te Bashkimit Europian per shtensionimin e situatës ne veri te vendit.

Ekzekutimi në Krujë. Ndalohet Valter Bami. Iu gjet gjurmë baruti në duar.

Policia ndalon 37-vjecarin Valter Bami i dyshuar si përfshirë në atentatin ndaj Gentian Bejtes pak ditë më parë në Krujë ku u vra kunati i tij dhe u plagosën 2 fëmijë të mitur. Bamit iu gjetën gjurmë baruti në duar.

Lefter Koka shfaqet për herë të parë në Gjykatë, kërkon heqjen e të gjitha akuzave

Ish-ministri Lefter Koka shfaqet për here te pare ne gjykate pas 19 muajsh ne burg. Së bashku me ish-deputetin Alqi Bllako ata bënë mbrojtjen për çështjen e inceneratorit te Elbasanit duke kërkuar rrëzimin e te gjitha akuzave te ngritura nga SPAK.  

Hapet testamenti i Berlusconi-t. Pasuria ndahet mes pesë trashëgimtarëve

Hapet testamenti i ish-kryeministrit italian Silvio Berluskoni, i cili ndërroi jetë në moshën 86-vjeçare. Pasuria prej 3.8 miliardë eurosh është ndarë në mënyrë jo shumë të barabartë mes 5 fëmijëve, ku prioritet kanë pasur ata të martesës së parë.

UEFA vendos çmime tavan për biletat e miqve: Jo më shumë se 75 euro në Champions

UEFA vendos çmime tavan për tifozët miq në kompeticionet europiane për klube. Në një ndeshje të Champions League nuk do të ketë bileta më të shtrenjta se 75 euro për mbështetësit në transfertë. Vendimi hyn në fuqi që prej sezonit 2023-2024.

/tvklan.al