Lajme, #edicioniinformativ ora 19:30 data 9 Janar 2025 #TvKlan #klanlajme

Spiker: Drini Zeqo

Headline 9 Janar 2025

Qeveria miraton bonusin e pranverës për pensionistët. Rregullohet shpërblimi për policët
Qeveria miraton bonusin e pranveres per pensionistët dhe unifikon shpërblimi për efektivet e policisë. Ne mbledhjen e sotme iu hap drita jeshile “paketes se maleve” dhe u vendos shtyrja e afatit per dëmshpërblimin e ish-pronareve.

Rama: Brenda 2030 fitojmë pavarësinë energjetike. Legjendë mediatike që e prodhojmë vetë energjinë
Kryeministri Edi Rama e quan legjendë mediatike se Shqipëria është e aftë të prodhojë në vend të gjithë energjinë elektrike që i duhet. Sipas tij, sovraniteti energjetik do të arrihet brenda dekadës falë investimeve që po kryhen në këtë sektor.

Meloni: Italia, gati të aktivizojë qendrat e emigrantëve në Shqipëri. Prurjet nga deti, në rënie
Kryeministrja italiane Xhorxhia Meloni njofton rivënien në punë të kampit të Gjadrit për azilkërkuesit. Ajo tha se emigrantë të tjerë do të dërgohen në Shqipëri sapo të shpëtohen në ujërat e Mesdheut, por javët e fundit nuk ka pasur asnjë rast.

Vajza alarmon policinë, por nuk hap derën, ndërhyjnë forcat speciale Renea
Policia e Tiranës vihet në alarm nga telefonata e një vajze se ishte dhunuar në apartamentin e ndaj nga disa persona. Por me mbërritjen e uniformave blu ajo refuzoi të hapte derën. Forcat RENEA hyjnë nga dritarja. Mbeten të paqarta motivet.

Situatë e rënduar nga gripi e virozat. Specialistët: Po veprojnë disa viruse njëkohësisht
Vendi po kalon një valë gripi dhe virozash me mbi 11 mijë raste në javë. Specialistët thonë se shkak për ashpërsinë e sëmundjes është fakti se po qarkullojnë disa viruse njëkohësisht. Ata apelojnë të mos neglizhohet asnjë simptomë.

5 viktima nga zjarret katastrofike në Los Angeles. Situata mbetet ende jashtë kontrollit
Vihet në kontroll vatra e zjarrit në Hollivud, por situata mbetet e rëndë në 5 vatrat e tjera në Los Anxheles. Zjarret deri më tani i kanë marrë jetën 5 personave, ndërsa kanë djegur mbi 1 mijë ndërtesa e vila luksoze.

‘’Marca’’: Ofertë ‘’e majme’’ nga SHBA për Uzunin. Krisen raportet me Granadën
10 milionë euro ka ofruar ekipi amerikan i Austin për të marrë kartonin e Myrto Uzunit ndërsa sulmuesit i premtohet një pagë e majme. Por pretendimet e klubit të Granadës kanë bërë që të krisen marrëdhëniet me lojtarin që nuk ka dalë as në stërvitje.