#lajme, #edicioniinformativ ora 23:15 data 9 Nëntor 2023 #TvKlan #KlanLajme

Spiker: Redi Prifti

Headlines 9 Nëntor 2023

Kaos në Kuvend, opozita hedh tymuese. Berisha: S’ka kthim pas. Balla: Po kryeni vepra penale

Kuvendi përfshihet sërish nga kaosi pasi opozita tentoi të bllokojë seancën duke grumbulluar karriget dhe duke hedhur tymuese. Sali Berisha tha se opozita nuk ka kthim pas, por sipas Taulant Ballës, demokratët po kryejnë vepra penale. 

Qeveria merr progres raportin e BE. Balluku: Më i miri që kemi marrë. Soreca: SPAK të ndjek paratë

Ambasadori i BE në Tiranë u dorëzon institucioneve progres-raportin për vitin 2023. Zëvendëskryeministrja Balluku thotë se ky është raporti më i mirë që Shqipëria ka marrë ndonjëherë. Soreka thekson se SPAK duhet të ndjekë paratë.

Dhunimi i 3-vjeçares, arrestohet edukatorja. Prokuroria ngre akuzë për ‘’keqtrajtim të të miturve’’.

Arrestohet nga policia me kërkesë të prokurorisë së Tiranës, edukatorja e kopshtit privat “Stinët” që dhunoi fëmijën 3-vjeçar duke i thyer këmbën. Majlinda Dehima akuzohet për veprën penale të keqtrajtimit të të miturve.

Izraeli merr kontrollin e bastionit të Hamasit komisioneri i OKB akuzon të dyja palët për krime lufte.

Ushtria izraelite njoftoi ndaljen e sulmeve për 4 orë ndaj Gazës pas marrjes nën kontroll të të parit territor në Rripin e Gazës. Komisioneri i OKB-së për të drejtat e Njeriut akuzon si Izraelin ashtu edhe Hamasin për krime lufte.

Të premten kthehet moti i keq. Rrebeshe dhe stuhi shiu, në male do ketë dëbore.

Moti me diell nuk do të zgjasë. Sinoptikanët paralajmërojnë se të premten do të rikthehen rrebeshet dhe stuhitë dhe temperaturat e ulëta. Në zonat e thella malore nuk do të mungojnë as reshjet e dëborës.

Elseid Hysaj flet për Euro2024: Shqiptarët e meritojnë të shkojnë në finalet e Gjermanisë.

Futbollistët e kombëtares thonë se presin me padurim grumbullimin për 2 ndeshjet e fundit të kualifikueseve të europianit. Elseid Hysaj shprehet për Tv Klan se shqiptarët e meritojnë të shkojnë në finalet e Gjermanisë.

/tvklan.al