Lajme Arkiva – Tv Klan 2000

Socialdemokratët kanë mbledhur sot për herë të parë kryesinë prej 19 anëtarësh të zgjedhur nga Kongresi i 4 i kësaj partie. Ish-ministrja e Transporteve Ingrid Shuli është rikthyer në parti, duke u zgjedhur sekretare e departamentit të marrëdhënieve me publikun dhe shoqërinë civile.

Sekretari i departamentit të organizimit u zgjodh Rustem Preçi, ndërsa për drejtuesit e departamentit të marrëdhënieve me jashtë, kryesia Social Demokrate vendosi t’i zgjedh në mbledhjen e ardhshme të saj. Në përbërjen e kryesisë së re të PSD, nuk janë zgjedhur ish-drejtues të njohur të kësaj partie në vite si Pavlli Zëri, Ylli Pango, Dhori Kule e Bari Myftari. Një pjesë e të cilëve e kanë paditur në gjykatë si të manipuluar Kongresin e 4 Social Demokrat./tvklan.al

Gazetar – Vladimir Lame