Pas më shumë se një vit nga arrestimi në Belgjikë, Leonard Duka do të ekstradohet në Shqipëri. Negociatat e shumta nga Interpol Tirana kanë bindur autoritetet belge për të dhënë dritën jeshile për vënien e tij para drejtësisë shqiptare.

Ky operacionin pritet të finalizohet në orët në vijim ndërsa nga policia shqiptare ka mbërritur në Belgjikë një grup efektivësh të RENEA-s që do marrin në dorëzim 37-vjeçarin.

Prej kohësh Leonard Duka ishte shpallur në kërkim nga drejtësia shqiptare. Ai akuzohet si një organizatorët e vrasjes së Santiago Malkos në Gusht të 2019 në Tiranë.

Gjithashtu emri i tij doli dhe në dosjen e operacionit “Revansh”, ku u zbardhën komunikime e biseda të zhvilluara në aplikacionin Sky dhe Encrochat.

Në to 37-vjeçari, Duka thurte plane për eliminimin fizik të Ervis Martinajt dhe lidhjeve të afërta të tij shoqërore, siç ishte Erigers Mihasi.

Mbi këto dyshime për Leonard Dukën, SPAK ka ngritur akuzën e sigurimit të kushteve të vrasjes në kuadër të grupit të strukturuar kriminal.

Tv Klan