Startuan mbrëmjen e djeshme në Televizionin Klan netët Live të spektaklit “X Factor Albania”.

16 më të mirët e kualifikuar nga fazat e audicioneve, u ngjitën në amfiteatrin e Televizionit Klan, ku provuan për herë të parë emocionet e skenës së vërtetë.

Muzika live, performancat madhështore si dhe skenografia ultra moderne, mbërthyen publikun për mbi 180 minuta para ekranit.

Ndryshe nga edicionet e shkuara, ethet e garës nisën që natën e parë, pasi në fund të mbrëmjes, dy konkurrentë janë eliminuar.

“X Factor”, talentshow më i ndjekur muzikor i krijuar nga kompania britanike Fremantle, prej 20 vitesh ka prodhuar artistët më të njohur të skenës ndërkombëtare.

Spektakli, i cili synon zbulimin e yjeve të muzikës, vjen nën drejtimin e Vera Grabockës dhe Alketa Vejsiut, duke premtuar një spektakël plot emocione, çdo të premte në ekranin e Televizionit Klan.

Tv Klan