Policia njofton se në 48 orët e fundit janë ndëshkuar me gjobë 885 qytetarë që nuk zbatuan masat anti-covid. Policia ka evidentuar dhe ka ndëshkuar me masën administrative 3.000 Lekë secili, 874 qytetarë që janë konstatuar duke lëvizur pa maskat mbrojtëse.  

“Gjatë kontrolleve janë shoqëruar në ambientet e Policisë në të gjithë vendin, 9 shtetas që nuk kanë pranuar t’i tregojnë punonjësve të Policisë dokumentin e identifikimit, të cilët pasi kanë paraqitur dokumentin e identifikimit, janë ndëshkuar me masën administrative 3.000 Lekë dhe më pas janë lënë të lirë”, sqaron policia.

Po ashtu është ndëshkuar dhe një 1 subjekt që ushtronte aktivitetin në kundërshtim me protokollet e sigurisë. Për administratorin e këtij subjekti është vendosur masa administrative 1.000.000 Lekë.  

Gjithashtu, gjatë kontrolleve janë konstatuar 10 qytetarë që lëviznin në rrugë gjatë orarit të ndalimit të lëvizjes, pa arsye të domosdoshme, të cilët janë ndëshkuar me masën administrative 10.000 Lekë secili./tvklan.al