Mijëra protestues u mblodhën para Parlamentit të Gjeorgjisë për të shprehur kundërshtimin e tyre ndaj vendimit të partisë në pushtet për të pezulluar bisedimet e pranimit në BE.

Protestuesit u përleshën me policinë në Tbilisi. Tre policë u plagosën, ndërsa forcat e sigurisë përdorën gaz lotsjellës dhe ujë për të shpërndarë protestuesit.

Kryeministri Irakli Kobakhidze  tha se vendi do të ndërpresë bisedimet për anëtarësimin në Bashkimin Evropian deri në vitin 2028, duke refuzuar gjithashtu grantet nga Brukseli.

Njoftimi erdhi  pasi Parlamenti Evropian miratoi një rezolutë që dënon zgjedhjet e 26 Tetorit, duke përmendur parregullsi të mëdha që çuan në zgjedhje jo demokratike.

Parregullsitë përfshinin raste të frikësimit të votuesve, manipulimit të votave, ndërhyrjeve me vëzhguesit e zgjedhjeve dhe mediave. 

Kobakhidze këmbënguli se ishte thjesht një pauzë dhe jo anulim i plotë.

Presidentja pro-BE, Salome Zourabichvili, tha se partia në pushtet kishte shpallur luftën kundër popullit të saj.

Tbilisi aplikoi zyrtarisht për anëtarësim në BE në Mars të vitit 2022 pas agresionit rus të Ukrainës.

Klan News