Lajme Arkiva 2003

Gazetarja: Zoti Agasi si ju duket gjuha që përdoret nga shtypi i shkruar apo edhe mediave elektronike përsa i përket pasqyrimit të fushatës elektorale?

Bardhyl Agasi: Duhet të shprehem që në fillim se për fat të keq fjalori ynë politik është i ngarkuar me zhargone , të një fjalori të ulët. Akoma me sharje, fyerje, shpifje për njëri tjetrin ë për më tepër në kohë fushate ku lufta politike ndizet akoma më tepër këto marrin përmasa akoma më të mëdha. Megjithatë vlen të përmendet se kjo fushatë është më e kulturuar nga fushatat e tjera.

Gazetarja: Gazeta “Zëri i Popullit” kësaj here ka një zë më të ashpër se zgjedhjet e kaluara, ndoshta deri diku ngjason me ‘97.

Bardhyl Agasi: Jo nuk mund të them se ja një zë më të ashpër. Jo sepse është gazetë e drejtuar nga organi i Partisë Socialiste por unë do të thoja se kjo gazetë është më e përmbajtur në këtë dukuri që thamë pak më sipër, por në fund të fundit edhe ajo gjatë fushatës nuk i ka shpëtuar në raste të veçanta.

Gazetarja:Partia Socialiste vazhdon ta kontrollojë gazetën “Zëri i popullit”?

 Bardhyl Agasi: Mua nuk do të më pëlqente të përdorja fjalën kontrolloj, pavarësisht se është organ i kësaj partie, ne nuk përdorim më metodat e kontrollit. Unë do të thosha se e gjithë puna e partisë synon që të ketë redaksi sa më të afta profesionalisht dhe natyrisht që krahas programit të partisë atje do të jetë me një vizion më të qartë për të ardhmen dhe që të përmbushi edhe nevojat kulturore të qytetarëve.

Gazetarja: Zoti Agasi ne kemi disa gazeta të cilat kanë një gjuhë shumë të ashpër ndaj Berishës, të tipit “Plasi sytë këtu”, apo “Berisha vret njerëzit e vetë”. Nga pikëpamja profesionale i pranoni këto?

Bardhyl Agasi: Kur thash ka raste të veçanta edhe këto gazeta që i përmendët ju futen te rastet e veçanta. Në përgjithësi redaksia e “Zërit të popullit” është një redaksi e vetëpërmbajtur, e vetëkontrolluar në kuptimin e mirë të fjalës  dhe për të dhënë një imazh sa më të mirë.

Gazetarja: Po për këto rastet e veçanta? Normalisht ekziston edhe mirëkuptimi i Partisë Socialiste për këto tituj?

Bardhyl Agasi: Jo. Natyrisht ne nuk na pëlqen kur e kalojnë masën. Në fushatë sado që të ruhesh dhe sado që ti shmangë prapë shfaqen raste të veçanta, por e mirë nuk është. Edhe gazeta jonë që unë e quaj një pararojë në këtë drejtim për sa i përket gjuhës që përdor, fjalorit, etj, në kuptimin e mirë të fjalës, të luftojë që ti shmangi këto raste të veçanta që të mos ketë asnjëlloj vulgariteti.

Gazetarja: Zoti Dervishi a mendoni se kësaj radhe fushata elektorale po pasqyrohet më drejtë nga media dhe shtypi i shkruar?

Lufti Dervishi: Nuk mund të thuhet se pasqyrohet më drejtë dhe më korrekt, por ka një ndryshim këtë radhë sepse media elektronike vepron në bazë të kodit të ri zgjedhor dhe ka rregulla të qarta të përcaktuara se si do e mbulojë fushatën elektorale të partive politike parlamentare dhe jo parlamentare apo edhe të kandidatëve të pavarur dhe veprimtarinë e Komisionit Qendror të Zgjedhjeve dhe nga ana tjetër kemi shtypin e shkruar që mund të ndahet në gazeta partiake dhe gazeta jo partiake. Sa i përket çështjes së parë vihet re se ka një ndrydhje, legjislatori, politika ka vepruar gabim sepse e ndrydh shumë punën e operatorëve televiziv gjë që bën që të bëjë vetëm një pasqyrim të fushatës, por jo një analizë të saj. Nuk kanë ndryshuar shumë gazetar partiake, madje mund të them se ka edhe një hap mbrapa. Duke pasur parasysh jemi vetëm në ditët e para të fushatës elektorale, po ti hedhësh një sy gazetës së partisë në pushtet, ajo nuk ka pasur tituj të tillë në vitin ‘91, kur pas 50 vjetëve të Partisë së Punës. Në këtë aspekt është e papranueshme një gjendje e tillë, sepse nuk reflekton as gjendjen politike e as zhvillimet kulturore të vendit. Kuptohet që ka një problem shumë të madh që do të thoi se nuk ka lidhje fare me gazetarinë, por kam frikë se nuk ka lidhje as me luftën politike që po zhvillohet aktualisht.

Andi Bejtja: Fushata nuk është ngjarja kryesore në jetën e Shqipërisë, prandaj nuk e meriton një vëmendje kaq të madhe sa tregon shumica e mediave. Ne në qoftë se e keni parë e kemi lënë në fund të edicionit. Nuk është se e kemi sfumuar, por duam të tregojmë e të japim një mesazh që fushata nuk është gjëja më e rëndësishme dhe kjo është e vërtetë pasi siç po e shikoni, qoftë nga vrasja e djeshme, ku një nënë vret dy fëmijët e vetë dhe probleme të tjera si këto, nuk mund të jetë fushata ngjarja e parë në Shqipëri. Ndërsa për sa i përket gjuhës së urrejtjes, mendoj se nuk është thjesht shtypi i cili e ka mbjellë këtë gjuhë urrejtje, janë vetë politikat shqiptarë të cilët e përdorin këtë gjuhë . Po të vini re në miting kemi dy palë. Kemi një palë që janë kandidatët konkret, të cilët me thënë të drejtën po respektojnë një lloj kodi, ndërkohë kemi liderët kryesor të partive të cilët vazhdojnë me atë gjuhën e vjetër dhe kjo gjuhë pastaj reflektohet edhe në shtyp dhe në median elektronike. Biles shumë gazetarë dhe ne jemi në një dilemë në një rast konkret kur dikush nga liderët përdor një gjuhë me të vërtetë të padenjë për tu transmetuar, nuk dimë çfarë të bëjmë ta transmetojmë, apo jo. Kjo ka qenë dilemë e përhershme, jo vetëm gjatë kësaj fushate por edhe më parë. Në fakt njerëzit shikojnë atë që del në ekran dhe na gjykojnë edhe ne. Por megjithatë unë kam vërë re që media e pavarur qoftë elektronike e qoftë e shkruar është treguar më e kujdesshme, ndërkohë që mediat partiake ose edhe ato gazeta që janë afër partive kryesore, e kanë përçuar këtë gjuhë urrejtje madje disa herë edhe e kanë amplifikuar.

Gazetarja: Ne kemi mbledhur disa raste ku gazeta “Zëri i Popullit” organi i partisë socialiste, shprehet ndoshta me një ton shumë më të ashpër se sa vetë Partia Socialiste, se lideri fatos Nano.

Andi Bejtja: Nuk është se është vetëm gazeta “Zëri i Popullit” që ka përdorur një gjuhë të tillë, janë edhe shumë gazeta edhe nga ana e opozitës që përdorin një gjuhë të tillë. Kemi shumë personazhe që janë kryqëzuar, shumicën e rasteve pa të drejtë, duke përmendur jo vetëm aferat korruptive që janë apo s’janë të vërteta e vendos drejtësia, por edhe duke u hyrë ne jetën personale duke u marrë me gratë e të tjerëve, me fëmijët e kështu me radhë. Ky është një stil i vjetër dhe unë  mendoj se koston, kjo do të ketë kosto për vetë gazetën që e përdor, por edhe kosto të elektoratit, i cili duhet thënë se pas vitit 2000 nuk është elektorat që kërkon apo e ka të nevojshme këtë gjithë kaq spekulative dhe kaq të egër.

Gazetarja: Kur flisni dhe thoni se edhe gazetat e tjera partiake e kanë një gjë të tillë, mund të sillni disa shembuj?

Andi Bejtja: Unë nuk jam as KKRT as organi gjyqësor që të sjell shembuj, unë fola parimisht dhe nuk kam dëshirë të hyjë në detaje konkrete.

Mustafa Nano: Në të vërtet kjo fushatë mua më ngjan e një film që e kam parë të paktën 10 herë, sigurisht janë hequr disa skena horror, por filmi është po ai, aktorët janë po ata, protagonistët janë po ata, protagonistë të lodhshëm, të mërzitshëm. Pasqyrimi mediatik është më i shtruar se vitet e tjera, se zgjedhjet e tjera dhe këtu kam parasysh që janë censuruar ato skenat horror të mëparshmet. Nga ana tjetër fushata është më e shtruar se herët e tjera, duke përjashtuar këtu Berishën që është i njëjti së bashku me shtypin e tij dhe së bashku “ZP” Nga ana tjetër të cilët vazhdojnë të përdorin të njëjtën gjuhë. Pra “ZP”, “RD”, Berisha, 55, “Tema”.

Gazetarja: Mund të kemi një rast nga “RD” për shembull?

Mustafa Nano: Kam ndjekur gjatë kësaj kohe “ZP”  dhe “RD”, nuk mund të bëjë një ballafaqim të detajuar tani sepse nuk i kam para syve të gjitha të dhënat, por kam përshtypjen se janë të dyja njëlloj. “ZP” Është një gazetë e tmerrshme në pikëpamjen time se si mund të ndërtohet nja gazetari dhe një media është një gazetë e tmerrshme e patolerusheme, e refuzueshme, po kështu edhe “55”, “Tema”. Janë këto gazetat që në mos përdorin këto termat gjak, vrasje, përdori shpifje përdorin fyerje. Lozin me mentalitete mesjetare. Në këtë kuptim unë identifikova këto gazeta që përmendëm së bashku me atë që i përfaqëson dhe i shpreh më së miri që quhet Sali Berisha “Z P” unë nuk e di kë përfaqëson, është si një ishull mediatik që nuk ka lidhje me këta aktorë që kanë zbritur në fushë.

Gazetarja: A nuk kemi një kthim në ’97 për sa i përket gjuhës që po përdoret?

Mustafa Nano: “ZP” kjo gazetë është ka 50 e ca vjet që është kjo, ndërsa gazetat e tjera që i përkasin Berishës ato përfaqësojnë Berishën në çdo pikëpamje. Ashtu siç Berisha i përfaqëson ato dhe i editon ato. Pra mediat e Berishës janë në shërbim absolut të autoritetit dhe të rolit të tij./tvklan.al