Ndeshja kryesore dhe më interesante e NBA amerikan u zhvillua në Indianapolis, ku Indiana Pacers ka triumfuar ndaj Boston Celtics. Përderisa koha e rregullt u mbyll në barazim 124:124, pas shtesave vendasit e Indiana Pacers triumfuan me 3 pikë diferencë 135:132.

Bennedict Mathurin ishte më efikasi në këtë sfidë për vendasit me 30 pikë, 11 kërcime e katër asistime, derisa lojë të mirë shfaqën edhe Pascal Siakam me 29 pikë dhe Topin që shtoi 18 të tjera. Për Celtics më i miri në parket ishte Jayson Tatum me 37 pikë, por që nuk mjaftuan për fitore.

Los Angeles Lakers kanë pësuar humbjen e dytë radhazi, pasi janë mposhtur në transfertë te Cleveland Cavaliers 134:110, derisa humbje pësuan edhe Clippers që para tifozëve të tyre u mposhtën nga Portland Trail Blazers me një pikë diferencë 105:106.

Golden State Warriors ka vazhduar me formë të mirë pas fitores 104:89 ndaj New Orleans Pelicans, ndërkohë Miami Heat ka humbur në shtëpinë e tyre 107:116 nga New York Knicks.

Klan News