Taylor Swift ka dhuruar 5 milionë dollarë në përpjekje për ndihmë për komunitetet që po luftojnë pas uraganeve Helene dhe Milton në SHBA. Në mediat e tyre sociale, organizata jofitimprurëse Feeding America lëshoi një deklaratë nga CEO Babineaux-Fontenot duke konfirmuar “donacionin bujar” të Swift.

“Ne i jemi jashtëzakonisht mirënjohës Taylor Swift për donacionin e saj bujar prej 5 milionë dollarësh për të prekurit e uraganeve Helene dhe Milton”, thuhet në postim. “Ky kontribut do të ndihmojë komunitetet të rindërtohen dhe rikuperohen, duke ofruar ushqim, ujë të pastër dhe furnizime për njerëzit e prekur nga këto stuhi shkatërruese. Së bashku, ne mund të kemi një ndikim të vërtetë në mbështetjen e familjeve ndërsa ato përballem me sfidat përpara. Faleminderit, Taylor, që qëndrove me ne në lëvizjen për t’i dhënë fund urisë dhe për të ndihmuar komunitetet në nevojë.”

Swift ka dhënë kontribute të ngjashme në të kaluarën, përfshirë një donacion prej 1 milion dollarësh për lehtësimin e fatkeqësive natyrore pas stuhive që goditën Tenesin në dhjetor 2023./tvklan.al