Technogym ka hapur showroom-in më të ri në Tiranë. Brandi lider në pajisje dhe zgjidhjet dixhitale për fitness dhe mirëqenie gjendet tashmë në ambientet e Brunes SHPK.

Në një hapësirë prej mbi 160m2 klientët dhe profesionistët e industrisë kanë mundësinë të përjetojnë ekosistemin unik të Technogym, që përfshin pajisje smart, shërbime dixhitale dhe trajnime të specializuara.

Technogym me dizajnin inovativ italian është zgjedhja e preferuar e atletëve dhe ekipeve të sportit ndërkombëtarë.

“Të falenderoj vërtetë shumë për punën e jashtëzakonshme që është bëre për ta prezantuar sa më mirë Technogym në Shqipëri në showroom-in tuaj. Teknologjia dhe dizajni kanë qenë gjithmonë prioriteti ynë, po sigurisht edhe dëshira për të ndikuar mirë në jetën e njerëzve”,është shprehur Pierluigi Alessandri, zv/president dhe bashkëpronar i Technogym.

Showroomi ofron zgjidhje për konsumatorët që duan të ushtrohen në shtëpi si dhe për operatorët e sektorëve të ndryshëm si fitnesi, hoteleria dhe shëndeti.

Klientët, gjithashtu do të kenë akses në trajnerë me eksperiencë dhe dizajnerë të brendshëm për projekte të personalizuara, për konsulta dhe palestra në shtëpi.

Me fokus te inovacioni dhe filozofia e “Wellness-it”, Technogym sjell një eksperiencë të avancuar për çdo nevojë, nga ushtrimet për mirëqenie deri te performanca sportive profesionale.

Tv Klan