Milani mposhti 2-1 Juventusin dhe siguroi kualifikimin për në finalen e Superkupës së Italisë, aty ku do të përballet me Interin.

Debutim me fitore për trajnerin Sergio Conceicao, që erdhi me përmbysje. Pjesa e parë u mbyll me avantazhin minimal të bardhezinjve, pas golit të shënuar nga Kenan Yildiz në minutën e 21-të.

Megjithatë në fraksionin e dytë Milani ndryshoi fytyrë. Pulisic barazoi me penallti në minutën e 71-të, ndërsa një autogol i Gatti-t në minutën e 76-të, i dha avantazhin kuqezinjve, të cilët e ruajtën deri në fund, për të marrë fitoren.

Në finale do të jetë derbi i Milanos, me dy ekipet që do të kërkojnë me çdo kusht triumfin dhe fitimin e trofeut. /tvklan.al