Në emisionin “Historia ime” në Tv Klan, ditën e sotme ka ardhur një nënë 29-vjeçare e cila është braktisur nga i dashuri i saj pasi ngeli shtatzënë. Ai i kërkoi ta abortonte sepse tashmë kishte një femër tjetër dhe ishte dashuruar me të. 29-vjeçarja nuk pranoi ta abortonte, u përball me paragjykimet e fshatit, u fsheh gjatë shtatzënisë, nuk ka dalë nga shtëpia dhe i është dashur të luftojë me depresionin sepse ish-i dashuri nuk e ka pranuar këtë fëmijë dhe nuk i ka dhënë atësinë, madje vajza e saj tashmë është 3 vjeç dhe ai nuk e ka marrë mundimin ta shohë asnjëherë.

Mirela Milori: Të ka ndihmuar ekonomikisht gjatë shtatzënisë dhe më tej?

29-vjeçarja:Nuk është përgjigjur fare. I thashë një ditë, kur u përballa në Gramsh hajde shikoje vajzën, se nuk dua asnjë lloj përgjegjësia nga ty, e më tha mu hiq sysh se do të të qëlloj. Vajza ime kërkon babin dhe unë i them është Greqi, më këputet shpirti kur e kërkon.Fshati flet shumë, kur nuk i di hallet e tjetrin, normal që do flasin. 9 muaj unë kam ndejtur brenda. Ngrihesha në orën 3 e 30 të mëngjesit për të mjelë lopët, që ta ndihmoja pak mamin dhe sa hapeshe dita, futesha brenda mes 4 mureve sepse fliste fshati. Thoshin ka një fëmijë jetim pa baba dhe akoma flasin./tvklan.