Lille më pranë çerekfinaleve, Maçabi ‘eliminon’ Olympiakos

Lille afrohet me çerekfinalet e Conference League. Skuadra franceze nuk toleroi aspak përballë Sturm Graz për të triumfuar me shifrat 3-0. David ishte heroi i sfidës, pasi realizoi të dy golat në këtë 90 minutësh. Kanadezi konfirmohet edhe njeriu i momentit tek Lille, teksa ka realizuar 6 herë në 4 takimet e fundit. Llogaritë i vulosi Edon Zhegrova me golin e 0-3.

Fitore me aromë kualifikimi shënoi edhe Makabi tel Aviv, 4-1 në Pire ndaj Olimpiakos. Izraelitët iu falën 45 minutëshit të parë për të mbyllur llogaritë dhe hedhur një hap të madh drejt çerekfinaleve të kompeticionit. Në fraksionin e dytë, Makabi realizoi edhe golin e katërt për t’i dhënë fund shpresave të Olimpiakos për vijueshmërinë në Kupat e Europës.

Edhe Molde sheh më pranë turin tjetër pas fitores minimale 2-1 ndaj Bryzh. Ndërkaq, gjithçka e hapur në takimin mes Ajaks dhe Aston Vija, pasi nuk prodhoi gola.

Klan News