Janë hapur aplikimet për punësimet në aeroportin e Vlorës. Lajmin e ka ndarë zv/Kryeministrja Belinda Balluku në një postim në rrjetet sociale duke nënvizuar se “Vlora International Airport” hap dyert për profesionistët e rinj.
Për 100 vendet e lira të punës të gjithë të interesuarit mund të aplikojnë në faqen zyrtare të Aeroportit të Vlorës deri me datën 15 Mars.
Pritet që deri në muajin Prill të bëhet publikimi zyrtar që Aeroporti i Vlorës për të qenë i njohur nga të gjithë kompanitë ajrore ndërkombëtare.
Aeroporti i Vlorës do të jetë i dyti më i madh në vendin tonë pas atij të Rinasit.
Klan News
