Në vigjilje të natës së madhe të Akademisë së Yjeve, 11 konkurrent mbërrijnë me një bagazh të artë profesional të perfeksionuar në zhanret e këngës dhe baletit, në gjinitë më trendi dhe formuese për krijimtarinë e tyre, do të realizojnë në natën finale zhanëret më të larta artistike të interpretuara sot në skenat kombëtare dhe botërore. Kanë kapërcyer sfida të jashtëzakonshme për të mbërritur deri këtu dhe gjatë këtyre 3 muajve janë formuar jo vetëm artistikisht por dhe janë rritur në personalitet. Kanë mësuar linguazhin artistik, intuitën interpretative, kanë kapërcyer sfidat e ashpra me moshatarë të tyre duke mësuar që mik mund të kthehen dhe rival. Kanë mposhtur frikën për të qenë fituesit në skenë.

Akademia për ta ka qenë shkolla më e madhe e jetës, një eksperiencë e pa përsëritshme ku të gjithë kanë dal të fituar. Sepse janë të sigurt që janë përgatitur denjësisht për të qenë pjesë e artit të nesërm shqiptar. Kanë matur forcën, potencën dhe aftësitë e tyre në këtë format televiziv të përmasave gjigande duke emocionuar me brishtësinë dhe talentin e tyre. Miliona teleshikues jo vetëm në Shqipëri por dhe në Kosovë, Maqedoni dhe në kontinentin amerikan. Kush prej 11 konkurrenteve të kësaj akademie, do të marrë skreptin e votës së publikut? Kush do të meritoj çmimin e madh të akademisë? Na ndiqni në orën 22:00 në valët e TV Klan./tvklan.al

Gazetare: Jolldiz Mitro